നാല് വയസ്സുകാരിയെ പീഡിപ്പിക്കാന് ശ്രമിച്ച യുവാവിന്റെ കൈകള് കൂട്ടിക്കെട്ടി നഗ്നനാക്കി തെരുവിലൂടെ നടത്തിയ ശേഷം പോലീസിന് കൈമാറി!
മഹാരാഷ്ട്രയിലെ നാഗ്പൂര് പര്ഡിയില് നാലു വയസ്സുകാരിയെ പീഡിപ്പിക്കാന് ശ്രമിച്ച 35-കാരനെ നാട്ടുകാര് പിടികൂടി കൈകാര്യം ചെയ്തശേഷം നഗ്നനാക്കി തെരുവിലുടെ നടത്തി. കൈകള് കൂട്ടിക്കെട്ടിയ ശേഷമാണ് ഇയാളെ നഗ്നനാക്കി പരേഡ് നടത്തിയത്. ഞായറാഴ്ച വൈകിട്ടാണ് സംഭവം. പിന്നീട് പോലീസിന് കൈമാറി.
സ്ഥലത്തെ ഒരു സഹകരണ സൊസൈറ്റി ബാങ്കിലെ ദിവസേനയുള്ള കാഷ് കലക്ഷന് ഏജന്റായി പ്രവര്ത്തിക്കുന്ന ജവഹര് വൈദ്യ എന്ന 35-കാരനെയാണ് ് നാട്ടുകാര് പിടികൂടി പോലീസിന് കൈമാറിയത്.
ഇയാള് പണം വാങ്ങുന്നതിനായി ദിവസവും പെണ്കുട്ടിയുടെ വീട്ടില് എത്തിയിരുന്നു. ഞായറാഴ്ച വൈകിട്ട് പെണ്കുട്ടി വീട്ടില് ഒറ്റയ്ക്കാണെന്ന് മനസ്സിലാക്കിയ ഇയാള് പെണ്കുട്ടിയെ ലൈംഗികമായി ചൂഷണം ചെയ്യാന് ശ്രമിച്ചു. ഈ സമയം വീട്ടിലെത്തിയ അമ്മ സംഭവം കാണുകയും അവര് ഒച്ചവച്ച് അയല്ക്കാരെ കൂട്ടുകയുമായിരുന്നു.
നാട്ടുകാര്ക്കിടയില് വിവരം പരന്നതോടെ അവിടെ തടിച്ചുകൂടിയ നാട്ടുകാര് ജവഹര് വൈദ്യയെ മര്ദ്ദിക്കുകയായിരുന്നു. ഇയാള്ക്കൊതിരെ ഐപിസി, പോക്സോ വകുപ്പുകള് പ്രകാരം കേസെടുത്തതായി പോലീസ് അറിയിച്ചു.
https://www.facebook.com/Malayalivartha