കേന്ദ്രസര്ക്കാരിന്റെ പൗരത്വഭേദഗതി നിയമത്തിനെതിരെ ഭരണ-പ്രതിപക്ഷ പാര്ട്ടികളുടെ സത്യഗ്രഹ സമരം ഇന്ന് തിരുവനന്തപുരത്ത്...
കേന്ദ്രസര്ക്കാരിന്റെ പൗരത്വഭേദഗതി നിയമത്തിനെതിരെ ഭരണ-പ്രതിപക്ഷ പാര്ട്ടികളുടെ സത്യഗ്രഹ സമരം ഇന്ന് തിരുവനന്തപുരത്ത് നടക്കും. രാവിലെ 10ന് പാളയം രക്തസാക്ഷിമണ്ഡപത്തിനുമുന്നില് മുഖ്യമന്ത്രി പിണറായി വിജയനും പ്രതിപക്ഷ നേതാവ് രമേശ് ചെന്നിത്തലയും മന്ത്രിമാരും കക്ഷിനേതാക്കളും സത്യഗ്രഹം അനുഷ്ഠിക്കും. സാംസ്കാരിക- കലാ-സാഹിത്യ മേഖലകളിലെ പ്രമുഖര് സംസാരിക്കും. വിവിധ രാഷ്ട്രീയപാര്ടികളിലും സംഘടനകളിലും പെട്ടവര് അഭിവാദ്യം അര്പ്പിക്കും. നവോത്ഥാനസമിതിയുടെ പ്രവര്ത്തകരും സമരത്തില് പങ്കാളികളാകും. ഭരണഘടനാ വിരുദ്ധമായ പൗരത്വ ഭേദഗതി നിയമം പിന്വലിക്കുക, ഭരണഘടനാ മൂല്യങ്ങള് സംരക്ഷിക്കുക എന്നീ മുദ്രാവാക്യങ്ങളുയര്ത്തിയാണ് സമരം.
ഭരണഘടന വിഭാവനം ചെയ്യുന്ന തുല്യതയുടെയും മതനിരപേക്ഷതയുടെയും മൂല്യങ്ങളെ കശാപ്പു ചെയ്യുന്ന പൗരത്വ ഭേദഗതി നിയമം ജനങ്ങളില് കടുത്ത ആശങ്ക സൃഷ്ടിച്ച സാഹചര്യത്തിലാണ് കേരളം ഒറ്റക്കെട്ടായത്. ഈ സര്ക്കാരിന്റെ കാലത്ത് ആദ്യമായാണ് കേന്ദ്രനയത്തിനെതിരെ ഇടത്-ഐക്യമുന്നണി നേതാക്കള് സംയുക്ത സമരം നടത്തുന്നത്.
https://www.facebook.com/Malayalivartha
