പൗരത്വ ഭേദഗതി നിയമത്തിനെതിരായ പ്രതിഷേധത്തില് അരുന്ധതി റോയ്..!
പൗരത്വ ഭേദഗതി നിയമത്തിനെതിരായി ദില്ലിയില് നടക്കുന്ന പ്രതിഷേധങ്ങള്ക്ക് പിന്തുണയുമായി ആക്റ്റിവിസ്റ്റും എഴുത്തുകാരിയുമായ അരുന്ധതി റോയി രംഗത്ത് . ഇന്ത്യന് ഭരണഘടനയെ ബിജെപി സര്ക്കാര് ഐസിയുവില് കയറ്റിയെന്നായിരുന്നു അരുന്ധതി റോയിയുടെ വിമര്ശനം. ഇന്ത്യയെ ജമ്മു കശ്മീര് ആക്കാന് നോക്കുകയാണ് കേന്ദ്രസര്ക്കാരെന്നും കശ്മീരികളോട് അവര് കാണിച്ചുകൂട്ടിയതിനൊന്നും കണക്കില്ലെന്നും അരുന്ധതി റോയ് പറഞ്ഞു.
നമ്മുടെ നാടിന് വലിയ ചരിത്രമുണ്ട്. എന്റെ പല എഴുത്തിലും അതുണ്ട്. ദല്ഹി ജാമിഅയില് ബസ് കത്തിച്ചത് ആരാണെന്ന് ഇപ്പോഴും അറിയില്ലല്ലോ? അവര് കാമ്പസില് കയറി വിദ്യാര്ത്ഥികളെ അടിച്ചു. ലൈബ്രറി തകര്ത്തു. എ.എം.യുവിലും അത് തന്നെ സംഭവിച്ചു. ഇത് വളരെ അപകടം പിടിച്ച ഒന്നാണ്. ഇന്ന് അത് പൊലീസാണെങ്കില് നാളെയത് ഹിന്ദുത്വ ആള്ക്കൂട്ടമായിരിക്കും. ഇവിടെ എന്തും സംഭവിക്കാം. ഇത് അവസാനിക്കേണ്ടതുണ്ട്.
ഇന്ത്യയെ കശ്മീരാക്കാന് നോക്കുകയാണ് അവര്. രാജ്യത്ത് ഇന്റര്നെറ്റ് ഇല്ല. കശ്മീരില് എന്തൊക്കെ നടന്നിട്ടുണ്ട്. അതെല്ലാം ഇന്ത്യയില് മൊത്തം നടപ്പിലാക്കാന് ശ്രമിക്കുകയാണ്- അരുന്ധതി റോയ് പറഞ്ഞു. പൗരത്വ ഭേദഗതി നിയമത്തിനെതിരെ ജനങ്ങളോട് അണിനിരക്കാനും ശബ്ദമുയര്ത്താനും അരുന്ധതി റോയ് നേരത്തെ പ്രസ്താവനയില് ആവശ്യപ്പെട്ടിരുന്നു.
https://www.facebook.com/Malayalivartha
