ജല്ലിക്കെട്ട് മത്സരത്തിനിടെ 31 പേര്ക്ക് പരിക്ക്; ആറ് പേരുടെ നില ഗുരുതരം
തമിഴ് നാട്ടിലെ ആവണിയാപുരത്ത് മാട്ടുപ്പൊങ്കല് മഹോത്സവത്തോടനുബന്ധിച്ച് നടന്ന ജല്ലിക്കെട്ട് മത്സരത്തിനിടെ 31 പേര്ക്ക് പരിക്കേറ്റു. പരിക്കേറ്റവരില് ആറ് പേരുടെ നില ഗുരുതരമാണ്. പരിക്കേറ്റവരെ രാജാജി ഹോസ്പിറ്റലില് പ്രവേശിപ്പിച്ചു.
ജല്ലിക്കെട്ട്നടത്തുന്നത് തടയണമെന്നാവശ്യപ്പെട്ട് സമര്പ്പിച്ച ഹര്ജി ഇന്ന് സുപ്രീം കോടതി തള്ളിയതിന് പിന്നാലെയാണ് തമിഴ് നാട്ടില് നിന്നും അപകട വാര്ത്ത പുറത്തുവരുന്നത്.
മൃഗങ്ങളോടുള്ള ക്രൂരതയുടെ പേരില് 2014ല് സുപ്രീംകോടതി ജല്ലിക്കെട്ട് നിരോധിച്ചിരുന്നു. എന്നാല് ഇതിനെതിരെ ഉയര്ന്ന പ്രതിഷേധങ്ങളുടെ പശ്ചാത്തലത്തില് തമിഴ്നാട് സര്ക്കാര് ജല്ലിക്കെട്ട് അനുവദിച്ച് ഓര്ഡിനന്സ് ഇറക്കുകയും പിന്നീട് നിയമമാക്കുകയും ചെയ്യുകയായിരുന്നു. ജല്ലിക്കെട്ട് സ്റ്റേ ചെയ്യണമെന്നാവശ്യപ്പെട്ട് നിരവധി ഹര്ജികള് സുപ്രീം കോടതിയിലെത്തിയിരുന്നു.
https://www.facebook.com/Malayalivartha