തലയില് നാലു വെടിയുണ്ടകളുമായി 42-കാരി 7 കി.മീ. കാര് ഓടിച്ചെത്തി വെടിവച്ച 10-ാം ക്ലാസ്സുകാരനെതിരെ പരാതി നല്കി!
പഞ്ചാബിലെ മുക്ത്സാര് ഗ്രാമത്തില് പരമ്പരാഗത സ്വത്തിന്റെ പേരിലുള്ള വസ്തു തര്ക്കത്തില് 10-ാം ക്ളാസ്സില് പഠിക്കുന്ന കൗമാരക്കാരന് പിതൃസഹോദരിയ്ക്കും മുത്തശ്ശിക്കും നേരെ നിറയൊഴിച്ചു. തലയില് നാലു വെടിയുണ്ടകള് തറച്ചു കയറിയെങ്കിലും മനോധൈര്യം കൈവിടാതെ 42-കാരി സുമീത് കൗര് ഏഴു കിലോമീറ്റര് കാറോടിച്ചെത്തി സഹോദരനും മകനുമെതിരേ പരാതി നല്കി.
പോലീസുകാര് ആശുപത്രിയില് പ്രവേശിപ്പിച്ച ശേഷം നാലു വെടിയുണ്ടകളും പുറത്തെടുത്തു. വെടിയേറ്റ് സുമീത് കൗറിനും മാതാവിനും ഗുരുതരമായി പരിക്കേറ്റെങ്കിലും ഇവര് രക്ഷപ്പെട്ടു. തലയില് മൂന്ന് വെടിയുണ്ടകളും ഒരെണ്ണം മുഖത്തുമാണ് കൊണ്ടത്.
തന്റെ സഹോദരനും കൗമാരക്കാരനായ സ്വന്തം മരുമകനും ചേര്ന്ന് തനിക്കും മാതാവിനും എതിരേ വസ്തു തര്ക്കത്തിന്റെ പേരില് വെടിവെച്ചെന്നാണ് ഇവര് നല്കിയിരിക്കുന്ന പരാതിയില് പറഞ്ഞിരിക്കുന്നത്. ഏതാനും നാളായി സുമീത് കൗറും മാതാവ് സുഖ്ബീന്ദര് കൗറുമായി മകന് വസ്തു തര്ക്കത്തിലാണ്.
പിതാവിന്റെ മരണശേഷം തന്റെയും മാതാവിന്റെയും കയ്യിലിരിക്കുന്ന 16 ഏക്കര് ഭൂമി തട്ടിപ്പറിക്കാനുള്ള ശ്രമമാണ് സഹോദരന് ഹരീന്ദര് സിംഗും മകനും ചേര്ന്ന് നടത്തുന്നതെന്നാണ് സുമീത് കൗര് ആരോപിച്ചിരിക്കുന്നത്. സഹോദരനും മകനും ചേര്ന്ന് മുമ്പും തന്നെ വധിക്കാന് ശ്രമിച്ചിട്ടുണ്ടെന്ന് ഇവര് പറഞ്ഞു. സഹോദരനും മകനുമെതിരേ പോലീസ് കേസെടുത്ത് അന്വേഷണം തുടങ്ങിയിട്ടുണ്ട്.
https://www.facebook.com/Malayalivartha
