പാര്‍ലമെന്റ് കെട്ടിടത്തിലെ ഒന്നാം നിലയിലെ എഴുപതാം നമ്പര്‍ മുറിയില്‍ പ്രവര്‍ത്തിക്കുന്ന കാന്റീനില്‍ ഇന്ന് ഉച്ചയ്ക്ക് പ്രധാനമന്ത്രി നരേന്ദ്ര മോഡി ഒരു അപ്രതീക്ഷിത സന്ദര്‍ശനം നടത്തി.
പാര്‍ലമെന്റിലെ കാന്റീനുകളില്‍ പ്രധാനമന്ത്രിമാര്‍ ഭക്ഷണം കഴിക്കാനായി അങ്ങനെ വന്നു കണ്ടിട്ടില്ല. അതിനാല്‍ തന്നെ അത്ഭുതപ്പെട്ട് നിന്ന കാന്റീനിലെ ജീവനക്കാരനോട് തനിക്ക് കുറച്ച് ഭക്ഷണം നല്‍കാമോ എന്ന് മോഡി ആവശ്യപ്പെടുകയായിന്നു. എന്താണ് വേണ്ടതെന്ന് ജീവനക്കാരന്‍ ചോദിച്ചപ്പോള്‍ ഊണിന് അവിടെ എന്താണോ തയ്യാറാക്കിയിട്ടുള്ളത് തനിക്ക് അത് മതിയെന്ന് അദ്ദേഹം പറഞ്ഞു.പ്രധാനമന്ത്രി സസ്യഭുക്കാണെന്ന് അറിവുണ്ടായിരുന്ന ജീവനക്കാരന്‍ അദ്ദേഹത്തിന് വേണ്ടി വെജിറ്റേറിയന്‍ ഊണ് നല്‍കി.
സാര്‍സോന്‍ കാ സാഗ്, ആലു സബ്ജി, രാജ്മ, ചോറ്, റൊട്ടി, തൈര് എന്നിവയടങ്ങിയ ഭക്ഷണം ഏകദേശം ഇരുപത് മിനിറ്റോളം സമയമെടുത്താണ് അദ്ദേഹം കഴിച്ച് തീര്‍ത്തത്. ബീഹാറിലെ ബി.ജെ.പി എം.പിയായ ചെഹേദി പാസ്വാനും മറ്റ് മൂന്ന് എം.പി മാരുമാണ് മോഡിയുടെ മേശയില്‍ ഭക്ഷണം കഴിക്കാനുണ്ടായിരുന്നത്. ഈ സമയത്ത് കാന്റീനിലുണ്ടായിരുന്ന മുപ്പതോളം എം.പിമാരുമായി അദ്ദേഹം സംവദിക്കുകയും ചെയ്തു.
ഭക്ഷണ ശേഷം ബില്‍ നല്‍കാന്‍ കാന്റീനിലെ ജീവനക്കാര്‍ മടിച്ച് നിന്നപ്പോള്‍ മോഡി അദ്ദേഹത്തെ നിര്‍ബന്ധിച്ചു. തുടര്‍ന്ന് ഭക്ഷണത്തിന്റെ വിലയായ 29 രൂപയും അദ്ദേഹം നല്‍കി. ഭക്ഷണം കഴിച്ച ശേഷം കാന്റീനിലെ സന്ദര്‍ശക പുസ്തകത്തില്‍ ഭക്ഷണം നല്‍കുന്നവര്‍ നന്നായിരിക്കട്ടെ എന്നും അദ്ദേഹം കുറിച്ചു.
രാജ്യത്തെ ഏറ്റവും വിലക്കുറവുള്ള ഭക്ഷണം ലഭിക്കുന്ന കാന്റീനാണ് പാര്‍ലമെന്റ് കാന്റീന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha