ശബരിമല യുവതി പ്രവേശന വിധിയില് പുനപരിശോധന ഹര്ജികളെ അനുകൂലിക്കുന്നവരുടെ പട്ടികയിലേക്ക് മാറ്റണമെന്ന് കേരള സര്ക്കാര്
ശബരിമല യുവതി പ്രവേശനവുമായി ബന്ധപ്പെട്ട പുനപരിശോധന ഹര്ജികളെ അനുകൂലിക്കുന്നവരുടെ പട്ടികയിലേക്ക് മാറ്റണമെന്ന് കേരള സര്ക്കാര് സുപ്രീം കോടതിയോട് ആവശ്യപ്പെട്ടു. 2018 ലെ വിധിയെ എതിര്ക്കുന്നവരുടെ പട്ടികയിലായിരുന്നു സംസ്ഥാനം നേരത്തെ ഉള്പ്പെട്ടിരുന്നത്. ഒമ്പതംഗ ഭരണഘടനാ ബെഞ്ച് കേസില് വാദം കേള്ക്കാനിരിക്കെയാണ് സര്ക്കാരിന്റെ ഈ നിര്ണായക നിലപാട് മാറ്റം
ദില്ലി: ശബരിമല യുവതി പ്രവേശനവുമായി ബന്ധപ്പെട്ട ഹര്ജികള് സുപ്രീം കോടതി നാളെ പരിഗണിക്കാന് ഇരിക്കെ, പുനപരിശോധനയെ അനുകൂലിക്കുന്നവരുടെ പട്ടികയിലേക്ക് കേരളത്തെ മാറ്റണമെന്ന് സംസ്ഥാന സര്ക്കാര് ആവശ്യപ്പെട്ടു. ഇക്കാര്യം ഉന്നയിച്ച് സംസ്ഥാനത്തിന്റെ സ്റ്റാന്ഡിംഗ് കോണ്സല്, സുപ്രീം കോടതി നോഡല് ഓഫീസര്ക്ക് കത്ത് നല്കി. 2018 ലെ ശബരിമല യുവതി പ്രവേശന വിധിയെ എതിര്ക്കുന്നവരുടെ വിഭാഗത്തിലാണ് നേരത്തെ സംസ്ഥാനത്തെ ഉള്പ്പെടുത്തിയിരുന്നത്. ഈ നിലപാട് മാറ്റിക്കൊണ്ട് പുനപരിശോധനയെ അനുകൂലിക്കുന്ന വിഭാഗത്തിലേക്ക് തങ്ങളെ മാറ്റണമെന്നാണ് സര്ക്കാര് ഇപ്പോള് ആവശ്യപ്പെട്ടിരിക്കുന്നത്. ശബരിമല യുവതി പ്രവേശനവുമായി ബന്ധപ്പെട്ട ഹര്ജികളില് 9 അംഗ ഭരണഘടന ബെഞ്ചാണ് നാളെ മുതല് വാദം കേള്ക്കുക. മൗലികാവകാശവും മത സ്വാതന്ത്യവും ഉള്പ്പെടെ പ്രധാനപ്പെട്ട വിഷയങ്ങളാണ് ബെഞ്ച് വാദം കേള്ക്കുന്നത്.
നാളെ മുതല് തെരഞ്ഞെടുപ്പ് ദിവസമായ വ്യാഴ്ച്ച വരെയാണ് സ്ത്രീപ്രവേശനത്തെ എതിര്ക്കുന്നവരുടെ വാദം. യുവതീ പ്രവേശനത്തെ അനുകൂലിക്കുന്നവരുടെ വാദം ഏപ്രില് 14,15,16 തീയതികളിലും നടക്കും. ശബരിമലയില് യുവതികളെ എന്നതില് കൃതൃമായ നിലപാട് പറയാതെയാണ് നേരത്തെ സംസ്ഥാന സര്ക്കാര് സുപ്രീം കോടതിയില് സത്യവാങ്മൂലം നല്കിയത്. യുവതിപ്രവേശനത്തിന് അനൂകൂലമായി സ്വീകരിച്ച നയം വിഴുങ്ങിയായിരുന്നു സംസ്ഥാനം നല്കിയ പുതിയ സത്യവാങ്മൂലമെന്നതും വലിയ ശ്രദ്ധ നേടിയിരുന്നു. യുവതിപ്രവേശനത്തില് മതപണ്ഡിതരുടെയും സാമൂഹികനേതാക്കളുടെ സമിതി രൂപീകരിച്ച് അഭിപ്രായം തേടണമെന്നാണ് സര്ക്കാര് നിര്ദ്ദേശിച്ചത്.
യുവതിപ്രവേശനത്തെ എതിര്ത്താണ് ദേവസ്വം ബോര്ഡും വാദങ്ങള് സമര്പ്പിച്ചത്. മതാചാരങ്ങളില് തീര്പ്പ് കല്പ്പിക്കേണ്ടത് കോടതികള് അല്ലെന്ന നിലപാടാണ് കേന്ദ്രം അറിയിക്കാന് പോകുന്നത്. യുവതി പ്രവേശന വിധി പുനഃപരിശോധിക്കണെമെന്ന ആവശ്യത്തിലാണ് കേന്ദ്രം ഇക്കാര്യം ഉന്നയിക്കുക. ശബരിമലയില് യുവതിപ്രവേശനവിലക്ക് തുടരണമെന്ന് ആവശ്യപ്പെട്ട് നേരത്തെ തന്ത്രി കണ്ഠരര് രാജീവരര് സുപ്രീംകോടതിയെ സമീപിച്ചിരുന്നു. ശബരിമലയിലെ യുവതിപ്രവേശനം പുറമെ, മുസ്ലിം പള്ളികളിലെ സ്ത്രീ പ്രവേശനം, മതസ്വാതന്ത്ര്യത്തിനും സ്ത്രീ അവകാശത്തിനും ഇടയില് ഉയരുന്ന വിഷയങ്ങള് എന്നിവ ഒമ്പതംഗ ബഞ്ച് പരിശോധിക്കും.
https://www.facebook.com/Malayalivartha
