ഷാര്ജയിലെ വസ്ത്രസംഭരണശാലയില് വന് തീപിടിത്തം
ഷാര്ജയില് പ്രവര്ത്തിക്കുന്ന വസ്ത്രസംഭരണശാലയില് വന് തീപിടിത്തം. ഇന്ന് ഉച്ചയ്ക്ക് ഒരു മണിയോടെയാണ് സംഭവം റിപ്പോര്ട്ട് ചെയ്തത്. വിവരമറിഞ്ഞ ഉടന് തന്നെ ഷാര്ജ സിവില് ഡിഫന്സ് സംഘവും ഷാര്ജ പൊലീസിന്റെ പ്രത്യേക വിഭാഗങ്ങളും സ്ഥലത്തെത്തി തീയണയ്ക്കാനുള്ള ശ്രമങ്ങള് ആരംഭിച്ചു.
തീ നിയന്ത്രണവിധേയമാക്കാനും സമീപത്തെ മറ്റ് സ്ഥാപനങ്ങളിലേക്ക് പടരുന്നത് തടയാനുമുള്ള തീവ്രശ്രമത്തിലാണ് അഗ്നിശമനസേനാ വിഭാഗം. നിലവില് ആര്ക്കെങ്കിലും പരിക്കേറ്റതായോ മറ്റ് അപകടങ്ങളോ റിപ്പോര്ട്ട് ചെയ്തിട്ടില്ല. സുരക്ഷാ മാനദണ്ഡങ്ങള് പാലിച്ചുകൊണ്ട് വളരെ വേഗത്തിലാണ് പ്രതിരോധ പ്രവര്ത്തനങ്ങള് പുരോഗമിക്കുന്നത്.
ഔദ്യോഗിക സ്രോതസ്സുകളില് നിന്നുള്ള വിവരങ്ങള് മാത്രം വിശ്വസിക്കണമെന്നും സമൂഹമാധ്യമത്തിലൂടെയുള്ള വ്യാജപ്രചാരണങ്ങളില് വീഴരുതെന്നും ഷാര്ജ പൊലീസ് പൊതുജനങ്ങളോട് അഭ്യര്ഥിച്ചു.
സംഭവത്തിന്റെ കൂടുതല് വിശദാംശങ്ങള് ലഭ്യമാകുന്ന മുറയ്ക്ക് അധികൃതര് അറിയിക്കുമെന്നും പൊലീസ് വ്യക്തമാക്കി. പ്രദേശത്ത് സുരക്ഷാ മുന്കരുതലിന്റെ ഭാഗമായി ഗതാഗത നിയന്ത്രണം ഏര്പ്പെടുത്തിയിട്ടുണ്ട്.
https://www.facebook.com/Malayalivartha
