അനിയന്ത്രിത ജനസംഖ്യ വര്ധനവ് രാജ്യത്തെ പിന്നോട്ടടിക്കും... ഭാരതം വളര്ന്നുകൊണ്ടിരിക്കുന്ന രാഷ്ട്രമായതിനാല് അനിയന്ത്രിത ജനസംഖ്യ വര്ധനവ് ഗുണകരമാകില്ല ... ജനസംഖ്യ നിയന്ത്രിക്കുന്നതിന് നിയമം കൊണ്ടുവരണമെന്ന് മോദിയോട് മോഹന് ഭാഗവത്
ജനസംഖ്യ നിയന്ത്രിക്കുന്നതിന് നിയമം കൊണ്ടുവരണമെന്ന് മോദിയോട് മോഹന് ഭാഗവത്. അനിയന്ത്രിത ജനസംഖ്യ വര്ധനവ് രാജ്യത്തെ പിന്നോട്ടടിക്കും. ദമ്പതികള്ക്ക് രണ്ടു കുട്ടികള് മാത്രം എന്ന നിയമം രാജ്യത്തിന്റെ സുസ്ഥിര വികസനത്തിന് അനിവാര്യമാണെന്നും ഉത്തര്പ്രദേശിലെ മൊറദാബാദ് ഇന്സ്റ്റിറ്റ്യൂട്ട് ഓഫ് ടെക്നോളജിയില്വെച്ച് നടന്ന സംഘ കാര്യകര്ത്താക്കളുടെ ബൈഠക്കില് സംസാരിക്കവേ
അദ്ദേഹം പറഞ്ഞു. ജനസംഖ്യ നിയന്ത്രിക്കുന്നതിന് നിയമം കൊണ്ടുവരണമെന്ന് നിര്ദ്ദേശിച്ച് ആര്എസ്എസ് സര്സംഘചാലക് മോഹന് ഭാഗവത്. ഭാരതം വളര്ന്നുകൊണ്ടിരിക്കുന്ന രാഷ്ട്രമായതിനാല് അനിയന്ത്രിത ജനസംഖ്യ വര്ധനവ് അതിന് ഗുണകരമാകില്ലെന്ന് അദ്ദേഹം കൂട്ടിച്ചേര്ത്തു.
രണ്ടുകുട്ടികള് മതിയെന്ന് വ്യവസ്ഥ ചെയ്യുന്ന ജനസംഖ്യ നിയന്ത്രണ നിയമം കൊണ്ടുവരേണ്ടത് ഏറ്റവും അത്യാവശ്യമായ കാര്യമാണ്. എല്ലാ വിഭാഗം ജനങ്ങള്ക്കും ബാധകമാകുന്നതായിരിക്കണം ഈ നിയമം. ഏതെങ്കിലുമൊരു മതവിഭാഗവുമായി ബന്ധപ്പെട്ടതല്ല മുന്നോട്ടുവെച്ചിട്ടുള്ള ഈ നിര്ദ്ദേശമെന്നും സര്സംഘചാലക് പറഞ്ഞു. ഇക്കാര്യത്തില് അന്തിമ തീരുമാനം സര്ക്കാരാണ് കൈക്കൊള്ളേണ്ടതെന്നും അദ്ദേഹം വ്യക്തമാക്കി.
രാമക്ഷേത്ര നിര്മാണത്തിനായി ട്രസ്റ്റ് രൂപീകരിച്ചു കഴിഞ്ഞാല് ക്ഷേത്ര നിര്മ്മാണത്തില് നിന്നും സ്വയം വിട്ടുനില്ക്കാനാണ് സംഘം തീരുമാനിച്ചിരിക്കുന്നത് എന്ന് അദ്ദേഹംപറഞ്ഞു. കാശി, മഥുര എന്നത് സംഘ അജണ്ടയിലുള്ള കാര്യമല്ലെന്ന് വ്യക്തമാക്കിയ അദ്ദേഹം പൗരത്വ നിയമം നടപ്പാക്കിയതിന് കേന്ദ്ര സര്ക്കാരിനെ അഭിനന്ദിക്കുകയും ചെയ്തു. പൗരത്വ നിയമത്തെക്കുറിച്ച് ജനങ്ങള്ക്കിടയില് ശരിയായ അവബോധം ഉണ്ടാക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു.
ജനസംഖ്യാ നിയന്ത്രണം സംബന്ധിച്ച് സര്ക്കാര് എത്രയും വേഗം തീരുമാനമെടുക്കേണ്ടതുണ്ട്. ഏതെങ്കിലും ഒരു മതത്തിന് മാത്രം ബാധകമാകുന്ന ഒന്നാകില്ല നിയമമെന്നും എല്ലാവര്ക്കും ഒരുപോലെ ബാധകമാകണമെന്നും ഭാഗവത് പറഞ്ഞു. ആര്.എസ്.എസിന്റെ 40ലേറെ നേതാക്കള് ചടങ്ങില് പങ്കെടുത്തു. അനിയന്ത്രിതമായ ജനസംഖ്യ വികസനത്തിന് ഗുണകരമാകില്ലെന്ന് ഭാഗവത് ചൂണ്ടിക്കാട്ടി.
രാമക്ഷേത്ര നിര്മാണം സംബന്ധിച്ച ആര്.എസ്.എസിന്റെ നിലപാടും മോഹന് ഭാഗവത് വിശദമാക്കി. രാമക്ഷേത്ര നിര്മാണത്തിന്റെ മേല്നോട്ടത്തിനായി സര്ക്കാര് ട്രസ്റ്റ് രൂപീകരിക്കുന്നത് വരെ മാത്രമേ ആര്.എസ്.എസ് ഇടപെടുകയുള്ളൂ. ട്രസ്റ്റ് രൂപവത്കരിച്ച ശേഷം ഇതുമായി ബന്ധപ്പെട്ട പ്രവര്ത്തനങ്ങളില് നിന്ന് വിട്ടുനില്ക്കും. കാശിയിലെയും മഥുരയിലെയും തര്ക്കസ്ഥലങ്ങള്ക്കായുള്ള വാദം ആര്.എസ്.എസ് അജണ്ടയിലില്ലെന്നും ഭാഗവത് വിശദമാക്കി.
വിവാദമായ പൗരത്വ ഭേദഗതി നിയമത്തില് കേന്ദ്ര സര്ക്കാറിനെ ന്യായീകരിച്ച ഭാഗവത് ഇതുസംബന്ധിച്ച് ജനങ്ങള്ക്കിടയില് ബോധവത്കരണം നടത്തേണ്ടതുണ്ടെന്നും വ്യക്തമാക്കി.
https://www.facebook.com/Malayalivartha
