മാട്രിമോണിയല് വെബ്സൈറ്റുകളില് ഐഎഎസ്സുകാരന് ചമഞ്ഞു; നിരവധി സ്ത്രീകളില് നിന്നായി ലക്ഷങ്ങള് തട്ടിയ വ്യാജൻ പിടിയിൽ
മാട്രിമോണിയല് വെബ്സൈറ്റുകളില് ഐഎഎസ്സുകാരന് ചമഞ്ഞ് നിരവധി സ്ത്രീകളില് നിന്നായി ലക്ഷങ്ങള് തട്ടിയയാൾ പിടിയിലായി. മുംബൈയില് 32കാരനായ ആദിത്യ മാത്രെയാണ് അറസ്റ്റിലായത്. തട്ടിപ്പിനിരയായ ഒരു യുവതി നല്കിയ പരാതിയിലാണ് ഇയാള് പൊലീസിന്റെ പിടിയിലായത്.
സിവില് എഞ്ചനീയറായ ഇയാല് ഏകദേശം 25ഓളം സ്ത്രീകളെ കബളിപ്പിക്കുകയും ഇവരില് നിന്ന് ലക്ഷങ്ങള് തട്ടിയെടുക്കുകയും ചെയ്തിരുന്നു. ദിന്ദോഷി പൊലീസ് സ്റ്റേഷനിലെ മുതിര്ന്ന ഉദ്യോഗസ്ഥന് ധരേന്ദ്ര കാംബ്ലെ ആണ് ഈ വിവരങ്ങൾ വെളിപ്പെടുത്തിയത്. ഓരോ പെണ്കുട്ടികളില് നിന്നും അഞ്ചു മുതല് 15 ലക്ഷം രൂപ വരെ ഇയാള് തട്ടിയെടുത്തതായും അദ്ദേഹം കൂട്ടിച്ചേർത്തു.
പ്രമുഖ മാട്രിമോണിയല് വെബ്സൈറ്റില് ഐഎഎസ്സുകാരന് എന്ന വ്യാജേന പ്രൊഫൈല് ഇയാൾ ഉണ്ടാക്കിയിരുന്നു. അതോടൊപ്പം സമ്പന്നനാണെന്ന് കാണിക്കാനായി സോഷ്യല് മീഡിയ അക്കൗണ്ടുകളില് ആഢംബര കാറുകള്ക്കൊപ്പമുള്ള ചിത്രങ്ങളും ഇയാൾ പങ്കുവെച്ചിരുന്നു.
https://www.facebook.com/Malayalivartha