ആം ആ്ദമി പൊട്ടിത്തെറിയുടെ വക്കില്, എല്ലാവരും നേതാക്കന്മാരാകേണ്ടെന്ന് അരവിന്ദ് കെജ്രിവാള്, ഭിന്നയയുണ്ടെന്ന് പ്രശാന്ത് ഭൂഷന്
ആം ആദ്മി പാര്ട്ടി ഡല്ഹിയില് അധികാരത്തിലെത്തിയിട്ട് ഒരുമാസം പോലും തികഞ്ഞില്ല. അതിന് മുന്നേ അടി തുടങ്ങി. ഇന്ത്യയിലെ രാഷ്ടീയ പാര്ട്ടികള് മാത്രകയാക്കാനിരുന്ന പാര്ട്ടിയാണ് ആംആദ്മി പാര്ട്ടി. ആം ആദ്മിക്കാരെ കണ്ട് പഠിക്കണമെന്ന് നേതാക്കളോട് ജനങ്ങള് തന്നെ പറയാന് തുടങ്ങിയതായിരുന്നു. കഴിഞ്ഞ ദിവസം സമാപിച്ച സിപിഐ സമ്മേളനത്തില് പോലും സിപിഐയും ആംആദ്മി ശൈലിയില് മുന്നോട്ട് പോകാന് തീരുമാനിച്ചിരുന്നു. എന്നാല് ഡല്ഹിയിലിപ്പോള് ആംആദ്മിക്കാര് തമ്മില് അധികാരത്തിനായി വടംവലി തുടങ്ങി. ആംആദ്മിയില് എല്ലാവരും നേതാക്കന്മാരാമെന്ന വിചാരം പാര്ട്ടിയുടെ പരാജയത്തിന് കാരണമാവുമെന്നാണ് രാഷ്ടീയ നിരീക്ഷകരടെ അഭിപ്രായം.
വലിയ വലിയ ഉദ്യോഗങ്ങള് രാജിവെച്ചാണ് പലരും ഇന്ത്യ തൂത്തുവാരാന് ഇറങ്ങയത്. ഡല്ഹിയില് പാര്ട്ടി അധികാരത്തില് എത്തിയതിന് ശേഷം പലരോടും അവരുടെ പഴയ തൊഴിലിലേക്ക് തിരിച്ച് പോകാന് അരവിന്ദ് കെജിരിവാള് നിര്ദ്ദേശിച്ചതാണ് പ്രശ്നങ്ങള്ക്ക് തുടക്കം. കെജരിവാളിന് മുഖ്യമന്ത്രിയാവാന് വേണ്ടി തങ്ങള് പ്രവര്ത്തിക്കുകയായിരുന്നുവെന്ന തോന്നല് ആംആദ്മിക്കാര്ക്കിടയില് ഉണ്ടാക്കിയെടുക്കുന്നതില് നരേന്ദ്രമോഡിയും സംഘവും വിജയിച്ചെന്ന് തന്നെ പറയാം. അതിന് ഉദാഹരണമാണ് ഇപ്പോഴത്തെ തമ്മില്തല്ല്.
അരവിന്ദ് കെജ്രിവാള് ആധികാരങ്ങലെല്ലം കൈയടക്കുന്നുവെന്നാണ് യോഗേന്ദ്രയാദവും, പ്രശാന്ത് ഭൂഷനടക്കമുള്ള നേതാക്കളുടെ വാദം. ഇരുവരും പാര്ട്ടിയുടെ ഉന്നതാധികാര സമിതി അംഗങ്ങളാണ്. കെജ്രിവാളിന്റെ ലൈന് ശരിയല്ലെന്ന് തുറന്ന് പറഞ്ഞ് പ്രശാന്ത് ഭൂഷണിന്റെ പിതാവും പാര്ട്ടിസ്ഥപക അംഗവുമായ ശാന്തി ഭൂഷന് പുറത്ത് പോയിരുന്നു.
എല്ലാ പാര്ട്ടികളേയും പോലെ ആം ആദ്മിയിലും ഹൈക്കമാന്ഡ് സംസ്കാരം വളരാന് അനുവദിക്കുന്നത് നല്ലതല്ലെന്ന് പറഞ്ഞ് പ്രശാന്ത് ഭൂഷണ് കഴിഞ്ഞ ദിവസം രംഗത്തെത്തി. എല്ലാ പാര്ട്ടികളിലും ഹൈക്കമാന്ഡ് സംസ്കാരം ഉണ്ട്. എന്നാല് ആം ആദ്മി പാര്ട്ടി അതുപോലെ ആവരുത്. പാര്ട്ടിയെ നശിപ്പിക്കാന് മാത്രമെ അത് ഉപകരിക്കുകയുള്ളൂ. അധികാരത്തര്ക്കവുമായി ബന്ധപ്പെട്ട സംഭവ വികാസങ്ങള് ഉണ്ടായതിനു ശേഷം ഇതുവരെ കേജ്രിവാളുമായി ഞാന് സംസാരിച്ചിട്ടില്ലന്നും പ്രശാന്ത് ഭൂഷന് പറഞ്ഞു. അദ്ദേഹത്തോട് സംസാരിക്കാന് ആഗ്രഹിക്കുന്നുണ്ട്.
അധികാര കേന്ദ്രം ഒരാളിലേക്ക് പോകുന്നത് അപകടകരമാണെന്ന് പാര്ട്ടിയെ അറിയിച്ചിട്ടുണ്ട്. തീരുമാനങ്ങള് കൂട്ടായി എടുക്കണമെന്ന് കേജ്രിവാളിനോട് ആവശ്യപ്പെട്ടിരുന്നു. കേജ്രിവാളിന്റെ രാഷ്ട്രീയ നിലപാടുകളെ താന് ബഹുമാനിക്കുന്നുണ്ട്. എന്നാല് അദ്ദേഹത്തിന് തെറ്റുകള് പറ്റുന്നുണ്ട്. കേജ്രിവാളുമായി ഭിന്നത ഉണ്ടായപ്പോഴെല്ലാം അതേക്കുറിച്ച് തുറന്ന് സംസാരിച്ചിട്ടുണ്ട്. എന്നാല് അദ്ദേഹത്തെ പാര്ട്ടിയുടെ കണ്വീനര് സ്ഥാനത്ത് നിന്ന് നീക്കണമെന്ന് താനോ യോഗേന്ദ്ര യാദവോ ഒരിക്കലും ആവശ്യപ്പെട്ടിട്ടില്ലെന്നും ഭൂഷണ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
