ഡല്ഹിയില് കനത്ത മൂടല്മഞ്ഞിനെ തുടര്ന്ന് വിമാനങ്ങള് വഴിതിരിച്ചു വിട്ടു.... കുറഞ്ഞ ദൃശ്യപരിധിയെ തുടര്ന്ന് ട്രെയിന് ഗതാഗതവും താറുമാറില്
ഡല്ഹിയില് കനത്ത മൂടല്മഞ്ഞിനെ തുടര്ന്ന് വിമാനങ്ങള് വഴിതിരിച്ചു വിട്ടു. ഡല്ഹി രാജ്യാന്തര വിമാനത്താവളത്തില് ഇറങ്ങേണ്ട അഞ്ച് വിമാനങ്ങളാണ് വഴിതിരിച്ചു വിട്ടത്. കുറഞ്ഞ ദൃശ്യപരിധിയില് വിമാനം ലാന്ഡ് ചെയ്യാന് ക്യാപ്റ്റന് പരിചയമില്ലാത്ത സാഹചര്യത്തിലാണ് വിമാനങ്ങള് വഴിതിരിച്ചു വിട്ടതെന്ന് വിമാനത്താവള അധികൃതര് അറിയിച്ചു. കുറഞ്ഞ ദൃശ്യപരിധിയെ തുടര്ന്ന് ഡല്ഹിയില് ട്രെയിന് ഗതാഗതം താറുമാറായി.
വടക്കന് റെയില്വേ മേഖലയിലെ 22 ട്രെയിനുകള് വൈകിയാണ് സര്വീസ് നടത്തുന്നത്. ഡല്ഹി, കിഴക്കന് യു.പി, പഞ്ചാബ്, വടക്കന് രാജസ്ഥാന്, ഹരിയാന, ബിഹാര് എന്നിവിടങ്ങളില് കനത്ത മൂടല്മഞ്ഞ് ഉള്ളതായി കാലാവസ്ഥ നിരീക്ഷണ കേന്ദ്രം അറിയിച്ചു.
https://www.facebook.com/Malayalivartha