വധശിക്ഷ വൈകിപ്പിക്കാനുള്ള ശ്രമം വീണ്ടും ; തിഹാര് ജയിലിനെതിരെ പ്രതികള് കോടതിയെ സമീപിച്ചു
നിര്ഭയ കേസിലെ പ്രതികള് കോടതിയെ സമീപിച്ചു. തിഹാര് ജയിലിനെതിരെയാണ് കോടതിയിൽ സമീപിച്ചിരിക്കുന്നത്. ദയാഹര്ജി നല്കാന് ആവശ്യമായ രേഖകള് കൈമാറുന്നില്ലെന്നാരോപണം ഉയർത്തിയായിരുന്നു മുകേഷ് സിംഗ് ഒഴികെയുള്ള പ്രതികള് പട്യാല ഹൗസ് കോടതിയെ സമീപിച്ചത്. എന്നാൽ മരണവാറണ്ട് സ്റ്റേ ചെയ്യണമെന്നാവശ്യപ്പെട്ട് രണ്ട് പ്രതികള് കൂടി തീസ് ഹസാരി കോടതിയില് ഹര്ജി നല്കി കഴിഞ്ഞു. പവൻ ഗുപ്ത ,അക്ഷയ് സിംഗ് എന്നിവരാണ് മരണവാറണ്ട് സ്റ്റേ ചെയ്യണമെന്നാവശ്യപ്പെട്ട് ഹര്ജി നല്കിയിരിക്കുന്നത്.
എന്നാൽ , വധശിക്ഷയെ ചോദ്യം ചെയ്ത് ഏത് സമയത്തും കോടതിയെ സമീപിക്കാമെന്ന വിശ്വാസം വച്ചു പുലര്ത്താന് പ്രതികളെ അനുവദിക്കരുതെന്നും സുപ്രീംകോടതി ചീഫ് ജസ്റ്റിസ് എസ് എ ബോബ്ഡെ അഭിപ്രായപ്പെടുകയുണ്ടായി. അംറോഹ കൊലപാതകക്കേസില് വധശിക്ഷയ്ക്കെതിരായ പുന:പരിശോധനാ ഹര്ജിയില് വാദം കേള്ക്കവെയായിരുന്നു ഈ പരാമര്ശം നടത്തിയത്. കോടതിവ്യവഹാരം അനന്തമായി നീട്ടിക്കൊണ്ടുപോകാനുള്ളതല്ലെന്നും അദ്ദേഹം പറയുകയുണ്ടായി.
https://www.facebook.com/Malayalivartha