കളിയിക്കാവിള കൊലപാതകം; പ്രതികൾക്ക് തീവ്രവാദ ബന്ധം ഉണ്ടെന്ന കാര്യം ഉറപ്പിക്കാം; ഇത് സൂചിപ്പിക്കുന്ന കുറിപ്പ് പോലീസ് കണ്ടെടുത്തു
കളിയിക്കാവിള എഎസ്ഐയുടെ കൊലപാതകത്തിൽ കൂടുതൽ തെളിവുകൾ പുറത്ത് . പ്രതികളുടെ തീവ്രവാദ ബന്ധം സൂചിപ്പിക്കുന്ന കുറിപ്പ് കണ്ടെടുക്കുകയുണ്ടായി. പ്രതികൾ നെയ്യാറ്റിൻകരയിൽ ഉപേക്ഷിച്ച ബാഗിൽ നിന്നായിരുന്നു കുറിപ്പ് കണ്ടെടുത്തത്. നെയ്യാറ്റിൻകരയിലെ ആരാധനാലയത്തിലെ വീട്ടിൽ നിന്നായിരുന്നു ഈ ബാഗ് പൊലീസ് കണ്ടെത്തിയത്. തീവ്രവാദ ബന്ധം ആരോപിച്ച് ബെംഗളൂരുവില് പിടിയിലായവരുടെ പേരുകൾ ഈ കുറിപ്പിലുണ്ടായിരുന്നു.
കുറിപ്പിന്റെ നിജസ്ഥിതി അന്വേഷിക്കുന്നതായി തമിഴ്നാട് പൊലീസ് അറിയിക്കുകയും ചെയ്തു . എഎസ്ഐയെ കുത്താൻ ഉപയോഗിച്ച കത്തി തമ്പാനൂരില് നിന്നുമായിരുന്നു കണ്ടെടുത്തത്. ഒളിവിൽ പോകുന്നതിന് മുമ്പ് ഉപേക്ഷിച്ച കത്തിയായിരുന്നു പൊലീസ് കണ്ടെത്തിയത്.പ്രതികള് വിൽസണെ വെടിവച്ച് കൊല്ലാനുപയോഗിച്ച തോക്ക് പൊലീസ് ഇന്നലെ എറണാകുളത്ത് നിന്ന് കണ്ടെടുത്തിരുന്നു.
https://www.facebook.com/Malayalivartha