രാജ്യത്തിന്റെ സൈനിക കരുത്തും വൈവിധ്യവും വിളിച്ചോതി റിപ്പബ്ലിക് ദിനപരേഡ്.... രാജ്പഥില് നടന്ന പരേഡില് ബ്രസീല് പ്രസിഡന്റ് ജെര് ബോള്സൊനാരോ മുഖ്യാതിഥിയായി, രാഷ്ട്രപതി റാംനാഥ് കോവിന്ദ് അഭിവാദ്യം സ്വീകരിച്ചു
ഇന്ത്യയുടെ സൈനിക കരുത്തും വൈവിധ്യവും വിളിച്ചോതി റിപ്പബ്ലിക് ദിനപരേഡ്. രാജ്പഥില് നടന്ന പരേഡില് ബ്രസീല് പ്രസിഡന്റ് ജെര് ബോള്സൊനാരോ മുഖ്യാതിഥിയായി. പ്രധാനമന്ത്രി നരേന്ദ്ര മോദി ദേശീയ യുദ്ധസ്മാരകത്തിലെത്തി പുഷ്പചക്രം അര്പ്പിച്ചതോടെയാണ് റിപ്പബ്ലിക് ദിനാഘോഷ ചടങ്ങുകള്ക്ക് തുടക്കമായത്. ഇതാദ്യമായാണ്, റിപ്പബ്ലിക് ദിനത്തില് അമര് ജവാന് ജ്യോതിക്ക് പകരം ദേശീയ യുദ്ധസ്മാരകത്തില് പ്രധാനമന്ത്രി സൈനികര്ക്ക് ആദരം അര്പ്പിക്കുന്നത്. രാഷ്ട്രപതി റാംനാഥ് കോവിന്ദ് രാജ്പഥില് പതാക ഉയര്ത്തി. പരേഡില് രാഷ്ട്രപതി അഭിവാദ്യം സ്വീകരിച്ചു.
സൈനിക ശക്തി വിളിച്ചോതുന്ന ആയുധങ്ങളുടെ പ്രദര്ശനം, വിവിധ സേനാവിഭാഗങ്ങളുടെ മാര്ച്ച് എന്നിവ പരേഡിന് ആവേശം പകര്ന്നു. വിവിധ സംസ്ഥാനങ്ങളുടെ ടാബ്ലോകളും പരേഡില് പങ്കെടുത്തു. യുദ്ധവിമാനങ്ങളുടെ അഭ്യാസ പ്രകടനങ്ങളോടെയാണു പരേഡ് സമാപിച്ചത്.
https://www.facebook.com/Malayalivartha