പുല്വാമ ഭീകരാക്രമണത്തില് പങ്കുവഹിച്ച ജെയ്ഷ് ഇ മുഹമ്മദ് ഭീകരന് ഉള്പ്പെടെ മൂന്നു പേരെ സൈന്യം ഏറ്റുമുട്ടലില് വധിച്ചു
പുല്വാമ ഭീകരാക്രമണത്തില് പങ്കുവഹിച്ച ജെയ്ഷ് ഇ മുഹമ്മദ് ഭീകരന് ഉള്പ്പെടെ മൂന്നു പേരെ സൈന്യം ഏറ്റുമുട്ടലില് വധിച്ചു. ജെയ്ഷ് ഇ മുഹമ്മദിന്റെ സ്വയംപ്രഖ്യാപിത കാഷ്മീര് മേധാവി ഖാരി യാസിര് ഉള്പ്പെടെ മൂന്ന് ഭീകരരാണ് കൊല്ലപ്പെട്ടത്.
റിപ്പബ്ലിക് ദിനത്തില് ആക്രമണം നടത്താന് ഇവര് പദ്ധതിയിട്ടിരുന്നതായി സൈന്യം പറഞ്ഞു. ഏറ്റുമുട്ടലില് മൂന്ന് സൈനികര്ക്ക് പരിക്കേല്ക്കുകയും ചെയ്തു. ഇവരെ ആശുപത്രിയില് പ്രവേശിപ്പിച്ചു. തെക്കന് കാഷ്മീരിലെ പുല്വാമയിലെ ത്രാലിലായിരുന്നു ഏറ്റുമുട്ടല് നടന്നത്.
രഹസ്യവിവരത്തെത്തുടര്ന്ന് രാഷ്ട്രീയ റൈഫിള്സും ജമ്മു കാഷ്മീര് പോലീസിലെ പ്രത്യേക വിഭാഗവും സിആര്പിഎഫും ത്രാലിനു സമീപം ഹാരിപാരിഗാമില് നടത്തിയ പരിശോധനയാണ് ഏറ്റുമുട്ടലില് കലാശിച്ചത്.
"
https://www.facebook.com/Malayalivartha