ഇരുപത്തിയാറുകാരിയായ ക്യാപ്റ്റൻ ടാനിയ ഷേർഗിൽ ആണ് റിപ്പബ്ലിക് ദിനത്തിലെ താരം ..റിപ്പബ്ലിക് ദിന പരേഡിൽ കരസേനാ വിഭാഗമായ സിഗ്നൽ കോർ പുരുഷ സംഘത്തെ നയിക്കുന്നത് ടാനിയ ആണ്
ഇരുപത്തിയാറുകാരിയായ ക്യാപ്റ്റൻ ടാനിയ ഷേർഗിൽ ആണ് റിപ്പബ്ലിക് ദിനത്തിലെ താരം ..റിപ്പബ്ലിക് ദിന പരേഡിൽ കരസേനാ വിഭാഗമായ സിഗ്നൽ കോർ പുരുഷ സംഘത്തെ നയിക്കുന്നത് ടാനിയ ആണ് .. സിഗ്നൽ കോർ പുരുഷ സംഘത്തെ നയിക്കുന്ന രണ്ടാമത്തെ വനിതയാണ് ടാനിയ. പഞ്ചാബിലെ ഹോഷിയാർപൂര് സ്വദേശിനിയാണ് ടാനിയ
പരമ്പരാഗതമായി സൈനികരുള്ള കുടുംബത്തിലെ നാലാം തലമുറയിലെ അംഗമായതിനാൽ ചെറുപ്പത്തിൽ തന്നെ സൈന്യത്തിൽ ചേരണമെന്ന ആഗ്രഹമുണ്ടായിരുന്നുവെന്ന് ടാനിയ മാധ്യമങ്ങളോടു പറഞ്ഞു. പിതാവ് ആർമി യൂണിഫോം ധരിച്ചു പോകുന്നതു കാണുമ്പോൾ വലുതാകുമ്പോൾ അത്തരം യൂണിഫോം സ്വന്തമാകാണാമെന്നു ആഗ്രഹിച്ചിരുന്നു എന്നും ടാനിയ പറഞ്ഞു . പരേഡ് ഗ്രൗണ്ടിൽ സൈന്യവിഭാഗത്തെ നയിക്കുമ്പോൾ ആനന്ദവും അഭിമാനവുമുണ്ടാകുന്നതായും ടാനിയ വ്യക്തമാക്കി.
സായുധ സേനയിൽ പ്രവേശം ലഭിക്കുന്നതിന് യോഗ്യത മാത്രമാണ് മാനദണ്ഡം .. മതം, ലിംഗം, ജാതി എന്നിവയോ, എവിടെ നിന്നു വരുന്നു എന്നതോന്നും ഇവിടെ പ്രശ്നമല്ല . അർഹതയും യോഗ്യതയുമുണ്ടെങ്കിൽ മുന്നോട്ടു പോകാമെന്നും ടാനിയ പറഞ്ഞു.
ലഫ്റ്റ്നന്റ് ആയിരുന്ന ഭാവന കസ്തൂരിയാണ് കഴിഞ്ഞ വർഷം പുരുഷ വിഭാഗത്തെ നയിച്ചിരുന്നത് . നേരത്തേ ആർമി ഡേ ആഘോഷങ്ങളുടെ ഭാഗമായും പുരുഷ സൈനികർ അടങ്ങുന്ന സംഘത്തെ ടാനിയ നയിച്ചിട്ടുണ്ട്
https://www.facebook.com/Malayalivartha