ഭീം ആര്മി നേതാവ് ചന്ദ്രശേഖര് ആസാദ് വീണ്ടും പോലീസ് കസ്റ്റഡിയില്... പൗരത്വ നിയമത്തിനെതിരായ റാലിയില് പങ്കെടുക്കുന്നത് വിലക്കിയാണ് നടപടി
ഭീം ആര്മി നേതാവ് ചന്ദ്രശേഖര് ആസാദ് വീണ്ടും പോലീസ് കസ്റ്റഡിയില്. ഹൈദരാബാദ് പോലീസാണ് ഞായറാഴ്ച ചന്ദ്രശേഖര് ആസാദിനെ കസ്റ്റഡിയിലെടുത്തത്. പൗരത്വ ഭേദഗതി നിയമത്തിനും പൗര റജിസ്റ്ററിനുമെതിരെ ഹൈദരാബാദില് സംഘടിപ്പിക്കാനിരുന്ന പ്രതിഷേധ പരിപാടിക്കു മുന്പാണ് ആസാദിനെ ലങ്കര്ഹൗസ് പൊലീസ് കസ്റ്റഡിയിലെടുത്തതെന്നു വാര്ത്താ ഏജന്സി റിപ്പോര്ട്ട് ചെയ്തു. പൗരത്വ നിയമത്തിനെതിരായ റാലിയില് പങ്കെടുക്കുന്നത് വിലക്കിയാണ് നടപടി.
പ്രതിഷേധത്തിനു ജില്ലാ ഭരണകൂടത്തിന്റെ അനുമതിയില്ലെന്നും പരിപാടിയുമായി മുന്പോട്ടു പോകാതിരിക്കാനാണ് കസ്റ്റിഡിയെന്നും പൊലീസ് ഉദ്യോഗസ്ഥര് അറിയിച്ചു. ഹൈദരാബാദിലെ ഹോട്ടലില്നിന്നാണ് ചന്ദ്രശേഖര് ആസാദിനെ കസ്റ്റഡിയില് എടുത്തത്. റാലിക്ക് പോലീസ് അനുമതി നിഷേധിച്ചിരുന്നു. പൗരത്വ ഭേദഗതി നിയമത്തിനെതിരെ ഡല്ഹി ജുമാ മസ്ജിദില് ഡിസംബര് 20ന് വന് പ്രക്ഷോഭം സംഘടിപ്പിച്ചതിന് ചന്ദ്രശേഖര് ആസാദിനെ നേരത്തെ അറസ്റ്റു ചെയ്തിരുന്നു. പിന്നീട് 27 ദിവസങ്ങള്ക്കുശേഷമാണ് ചന്ദ്രശേഖര് ആസാദിന് ജാമ്യം ലഭിച്ചത്.
https://www.facebook.com/Malayalivartha