കാട്ടില് നിന്നും നാട്ടിലെത്തിയ കടുവയുടെ മുന്പില് പെട്ട യുവാവിന് അത്ഭുതരക്ഷ
നാട്ടിലിറങ്ങിയ കടുവയുടെ മുന്പില് പെട്ട യുവാവിന് അത്ഭുതരക്ഷ. മഹാരാഷ്ട്രയിലെ ഭണ്ഡാരാ ജില്ലയില് ശനിയാഴ്ച ഉച്ചയോടെയാണ് സംഭവം. ബിനാകി ഗ്രാമത്തില് ശനിയാഴ്ച ഉച്ചയോടെയാണ് കടുവയിറങ്ങിയത്. ടുംസാര്-ബപേര ദേശീയപാതയില് കടുവയെ കണ്ടെത്തിയെന്ന് പറഞ്ഞ് വനംവകുപ്പ് അധികൃതര്ക്ക് ഫോണ്സന്ദേശമെത്തിയിരുന്നു.
ദേശീയപാതയില് കടുവയെ കണ്ടതിനെ തുടര്ന്ന് ചുറ്റും ആളുകള് തടിച്ചുകൂടി. ആളുകളോട് കൂട്ടം കൂടി നില്ക്കരുതെന്നും കടുവയെ പ്രകോപിപ്പിക്കരുതെന്നും നിര്ദ്ദേശം നല്കിയിരുന്നെങ്കിലും ഇതൊന്നും ആരും ചെവിക്കൊണ്ടില്ല. കടുവയുടെ പിന്നാലെ നൂറുകണക്കിനാളുകള് ഓടുന്നുണ്ടായിരുന്നു.
ഇതില് മൂന്നു പേരെയാണ് ആക്രമിച്ചത്. ഒരാളെ കടുവ പിടികൂടി. നാട്ടുകാര് ശബ്ദമുണ്ടാക്കിയതോടെയാണ് കടുവ ഇയാളെ ഉപേക്ഷിച്ച് ഓടിയത്.
കടുവയുടെ പിടിയിലകപ്പെട്ട ഇയാളുടെ പരിക്കുകള് ഗുരുതരമല്ല. കടുവയെ മയക്കുവെടി വച്ച് വീഴ്ത്താന് ശ്രമങ്ങള് തുടരുകയാണെന്ന് സംഭവസ്ഥലത്തെത്തിയ വനംവകുപ്പ് അധികൃതര് വ്യക്തമാക്കി
https://www.facebook.com/Malayalivartha