കശ്മീരില് തൊട്ടില്ല പിന്നല്ലേ പൗരത്വം; പൗരത്വ നിയമത്തിനെതിരെ പ്രമേയം അവതരിപ്പിക്കാൻ തീരുമാനിച്ച യൂറോപ്യൻ യൂണിയൻ അംഗങ്ങൾക്കെതിരെ ശക്തമായ വിമർശനമുന്നയിച്ച് ഇന്ത്യ
പൗരത്വ നിയമത്തിനെതിരെ പ്രമേയം അവതരിപ്പിക്കാൻ തീരുമാനിച്ച യൂറോപ്യൻ യൂണിയൻ അംഗങ്ങൾക്കെതിരെ ശക്തമായ വിമർശനമുന്നയിച്ച് ഇന്ത്യ. ജനാധിപത്യപരമായി തെരഞ്ഞെടുക്കപ്പെട്ട ഇന്ത്യയിലെ സർക്കാർ പാസാക്കിയ നിയമത്തെ ചോദ്യം ചെയ്യാനുള്ള അവകാശം യൂറോപ്യൻ യൂണിയനില്ലെന്ന് ഇന്ത്യ പ്രസ്താവിച്ചു .
വസ്തുതകളുടെ നിജസ്ഥിതി മനസ്സിലാക്കിയാകണം പ്രതികരണം . അടുത്തയാഴ്ച യൂറോപ്യൻ യൂണിയൻ പാർലമെന്റിൽ ചർച്ചയ്ക്ക് വരുന്നതിന് മുമ്പ് വസ്തുതകളെക്കുറിച്ച് കൃത്യമായ വിലയിരുത്തൽ നടത്താൻ യൂറോപ്യൻ യൂണിയൻ ഇന്ത്യയുമായി ആലോചിക്കണമെന്നും ഇന്ത്യ ആവശ്യപ്പെട്ടു .
പൗരത്വ നിയമത്തിൽ മാത്രമല്ല കശ്മീരില് യുഎന് രക്ഷാസമിതി പ്രമേയം നടപ്പിലാക്കാനും യൂറോപ്യന് യൂണിയന് ഇടപെടണമെന്നും ഇതില് ആവശ്യപ്പെടുന്നുണ്ട് .
യൂറോപ്യന് യൂണിയന് പാര്ലമെന്റിന്റെ അടുത്ത ആഴ്ച നടക്കാനിരിക്കുന്ന സമ്പൂര്ണ സമ്മേളനത്തില് പ്രമേയം അവതരിപ്പിക്കാനിരിയ്ക്കെയാണ് ഇന്ത്യയുടെ മറുപടി .
https://www.facebook.com/Malayalivartha