അരക്കിലോ മുടിയും കാലിയായ ഷാംപൂ കവറും: ഏഴാം ക്ലാസുകാരിയുടെ വയറില് നിന്നും ശസ്ത്രക്രിയ ചെയ്ത് നീക്കി!
കോയമ്പത്തൂരിലെ വി ജി എം ആശുപത്രിയില് നടന്ന ഒരു ശസ്ത്രക്രിയയില് 13-കാരിയുടെ വയറ്റില് നിന്നും അരകിലോയിലധികം മുടിയും കാലിയായ ഷാംപുവിന്റെ പ്ലാസ്റ്റിക് കവറുകളും നീക്കം ചെയ്തു. ഏഴാം ക്ലാസുകാരിയായ പെണ്കുട്ടിക്കാണ് ശസ്ത്രക്രിയ നടത്തിയത്.
തുടര്ച്ചയായി വയറ്വേദന ഉണ്ടാകുന്നതായി പരാതി പറഞ്ഞിരുന്ന കുട്ടിയേയും കൊണ്ട് മാതാപിതാക്കള് വി ജി എം ആശുപത്രിയില് എത്തുകയായിരുന്നു. തുടര്ന്ന് സ്കാന് ചെയ്തപ്പോള് വയറിനുള്ളില് പന്ത് പോലെ മുടിക്കെട്ടും മറ്റ് വസ്തുക്കളും അടിഞ്ഞതായി കണ്ടെത്തി.
എന്ഡോസ്കോപിയിലൂടെ ഇത് നീക്കം ചെയ്യാന് ശ്രമിച്ചെങ്കിലും നടന്നില്ല. തുടര്ന്ന് ശസ്ത്രക്രിയ നടത്തുകയായിരുന്നു.
അടുത്ത ബന്ധുവിന്റെ മരണത്തെ തുടര്ന്ന് മാനസികാസ്വസ്ഥ്യം പ്രകടിപ്പിച്ചിരുന്ന പെണ്കുട്ടി മുടിയും മറ്റ് വസ്തുക്കളും കഴിച്ചിരുന്നതായി ഡോക്ടര്മാര് പറഞ്ഞു.
https://www.facebook.com/Malayalivartha