വിലക്കിയതിനു നന്ദിയുണ്ടെന്നും മോദിജി എയര് ഇന്ത്യയെ സ്ഥിരമായി റദ്ദാക്കിയേക്കും; ഇന്ഡിഗോയെ പരിഹസിച്ച് സ്റ്റാന്ഡ്അപ് കൊമേഡിയന് കുണാല്
മാധ്യമപ്രവര്ത്തകന് അര്ണാബ് ഗോസ്വാമിയെ വിമാനത്തിനുള്ളില് വച്ച് അപമാനിച്ച സംഭവത്തിൽ ഇന്ഡിഗോ വിമാനങ്ങളില് വിലക്കേര്പ്പെടുത്തിയ നടപടിയെ പരിഹസിച്ച് സ്റ്റാന്ഡ്അപ് കൊമേഡിയന് കുണാല് കംറ. ആറു മാസത്തേക്കു തന്നെ വിലക്കിയതിനു നന്ദിയുണ്ടെന്നും മോദിജി എയര് ഇന്ത്യയെ സ്ഥിരമായി റദ്ദാക്കിയേക്കുമെന്നും കുണാല് ഇന്ഡിഗോയുടെ ട്വീറ്റിനു മറുപടിയായി ട്വിറ്ററില് കുറിച്ചു.
കുണാലിന് ആറു മാസത്തേക്കു യാത്രാവിലക്ക് ഏര്പ്പെടുത്തിയതായി കന്പനി ഒൗദ്യോഗിക അക്കൗണ്ടില്നിന്നു ട്വീറ്റ് ചെയ്തു. എയര് ഇന്ത്യയും കുണാലിന് സമാന വിലക്കേര്പ്പെടുത്തി. പ്രാഥമിക അന്വേഷണത്തിനു പോലും മുതിരാതെയാണ് ഇരു കമ്പനികളും കുണാലിനെതിരെ നടപടി സ്വീകരിച്ചത്.
മുംബൈയില്നിന്നു ലക്നോവിലേക്കുള്ള യാത്രക്കിടെയാണ് അര്ണാബും കുണാലും കണ്ടുമുട്ടിയത്. വിമാനത്തില്വച്ച് അര്ണാബിനോട് കുണാല് ചോദ്യങ്ങള് ഉന്നയിച്ചു. എന്നാല് ഇത്തരം ചോദ്യങ്ങള് മാനസികാവസ്ഥയ്ക്കു തകരാറുള്ള ആളുടെയാണെന്ന് അര്ണാബ് തിരിച്ചടിച്ചു.
ഇതോടെ കുണാല് തുടര്ച്ചയായി ചോദ്യങ്ങള് ഉന്നയിച്ചു. നിങ്ങള് മാധ്യമപ്രവര്ത്തകനാണോ, ഭീരുവാണോ, അതോ ദേശീയവാദിയാണോ എന്നിങ്ങനെ പോയി കുണാലിന്റെ ചോദ്യങ്ങള്. ചോദ്യങ്ങള്ക്കു മറുപടി നല്കാന് തയാറാകാതിരുന്ന അര്ണാബ് മൊബൈല് ഫോണില് "കൂളിംഗ് ഗ്ലാസ് വച്ച്' വീഡിയോ കാണുകയായിരുന്നു. ഇതിന്റെ വീഡിയോ ദൃശ്യങ്ങള് കുണാല് ട്വിറ്ററില് പങ്കുവയ്ക്കുകയും ചെയ്തു.
കുണാലിന്റെ പെരുമാറ്റത്തെ വിമര്ശിച്ച് നിരവധി പേരാണ് രംഗത്തെത്തിയത്. എന്നാല് അര്ണാബിന്റെ നിയന്ത്രണത്തിലുള്ള റിപ്പബ്ളിക് ചാനലിനെ മാധ്യമപ്രവര്ത്തകരും അര്ണാബ് തന്നെയും പ്രമുഖ വ്യക്തികളോട് മുഷിപ്പിക്കുന്ന രീതിയില് ചോദ്യങ്ങള് ചോദിക്കുന്ന വീഡിയോ ദൃശ്യങ്ങള് പങ്കുവച്ചാണ് വിമര്ശകര്ക്ക് "കുണാല് ഫാന്സ്' മറുപടി നല്കുന്നത്.
https://www.facebook.com/Malayalivartha