ഡല്‍ഹിയില്‍ പൗരത്വ നിയമ പ്രതിഷേധക്കാര്‍ക്കു നേരെ വീണ്ടും വെടിവയ്പ്... ആഴ്ചകളായി റോഡില്‍ കുത്തിയിരുന്ന് സമരം ചെയ്യുന്ന സ്ത്രീകളും കുട്ടികളുമുള്‍പ്പെടെയുള്ള സമരക്കാര്‍ക്ക് നേരെയാണ് വെടിവയ്പുണ്ടായത്
ഡല്‍ഹിയില്‍ പൗരത്വ നിയമ പ്രതിഷേധക്കാര്‍ക്കു നേരെ വീണ്ടും വെടിവയ്പ്. പൗരത്വ നിയമത്തിനെതിരായ സമരം നടക്കുന്ന ഡല്‍ഹി ഷഹീന്‍ ബാഗിലാണ് വെടിവയ്പുണ്ടായത്. പോലീസ് ബാരിക്കേഡിനു സമീപത്തുനിന്നു ജയ് ശ്രീറാം വിളിച്ച് യുവാവാണ് വെടിയുതിര്‍ത്തത്. ആഴ്ചകളായി റോഡില്‍ കുത്തിയിരുന്ന് സമരം ചെയ്യുന്ന സ്ത്രീകളും കുട്ടികളുമുള്‍പ്പെടെയുള്ള സമരക്കാര്‍ക്ക് നേരെയാണ് വെടിവയ്പുണ്ടായത്. ആര്‍ക്കും പരിക്കില്ല. അക്രമിയെ പോലീസ് അറസ്റ്റ് ചെയ്തു.ജാമിയ മിലിയ സര്‍വകലാശാല വിദ്യാര്‍ഥികളുടെ പൗരത്വ പ്രതിഷേധ റാലിക്കു നേരെ കഴിഞ്ഞ ദിവസം വെടിവയ്പുണ്ടായ സ്ഥലത്തുനിന്നും രണ്ടു കിലോമീറ്റര്‍ മാത്രം മാറിയാണ് ഇന്നത്തെ ആക്രമണം.
ജയ് ശ്രീറാം മുഴക്കിയ അക്രമി തന്റെ രാജ്യത്ത് ഹിന്ദുക്കള്‍ മാത്രമേ വിജയിക്കൂ എന്ന് ആക്രോശം നടത്തുകയും ചെയ്തു. പോലീസുകാര്‍ക്ക് തൊട്ടടുത്തുനിന്നാണ് ഇയാള്‍ വെടിവച്ചത്. മൂന്നു തവണയോളം ഇയാള്‍ നിറയൊഴിച്ചു. തോക്ക് കുറ്റിക്കാട്ടിലേക്ക് എറിഞ്ഞതിനു ശേഷം ഓടിയൊളിക്കാന്‍ ശ്രമിച്ച ഇയാളെ പോലീസ് പിടികൂടി.
L
https://www.facebook.com/Malayalivartha
