അദ്നാൻ സമിക്കു പൗരത്വം കൊടുത്തു; പത്മശ്രീയും നൽകി; അങ്ങനെയിരിക്കെ പൗരത്വ ഭേദഗതി നിയമത്തിനു നൽകുന്ന ന്യായീകരണം എന്താണ്? ആരോപണവുമായി സ്വര ഭാസ്കർ .
കേന്ദ്രസർക്കാറിനെതിരെ നടി സ്വര ഭാസ്കർ രംഗത്ത്. പാക്കിസ്ഥാനില് ജനിച്ച് പിന്നീട് ഇന്ത്യൻ പൗരത്വം നേടിയ അദ്നാൻ സമിക്ക് പത്മശ്രീ നൽകിയ സംഭവത്തിലാണ് സ്വര ഭാസ്കർ വിമർശനവുമായി എത്തിയിരിക്കുന്നത്. പൗരത്വ നിയമം പാസാക്കിയതിലൂടെ ഭരണഘടനയോടുള്ള വഞ്ചനയാണു കേന്ദ്രസർക്കാർ നടത്തിയതെന്നും ഇവർ ആരോപിച്ചു. മാത്രമല്ല മധ്യപ്രദേശിലെ ഇൻഡോറിൽ നടന്ന ‘സേവ് ദ് കോൺസ്റ്റിറ്റ്യൂഷൻ, സേവ് ദ് കൺട്രി’ റാലിയിൽ സ്വര ആരോപിക്കുകയും ചെയ്തു . അഭയാർഥികൾക്കു പൗരത്വം നൽകുന്നതിനും നുഴഞ്ഞുകയറ്റക്കാരെ പിടികൂടുന്നതിനും രാജ്യത്തു നേരത്തേ നിയമങ്ങളുണ്ട്.
കേന്ദ്രസര്ക്കാർ അദ്നാൻ സമിക്കു പൗരത്വം കൊടുത്തു. ഇപ്പോൾ അദ്ദേഹത്തിനു പത്മശ്രീയും നൽകിയിരിക്കുന്നു . അങ്ങനെയിരിക്കെ പൗരത്വ ഭേദഗതി നിയമത്തിനു നൽകുന്ന ന്യായീകരണം എന്താണ്?. ഒരു ഭാഗത്ത് പൗരത്വ നിയമത്തിനെതിരെ പ്രതിഷേധിക്കുന്നവരെ മര്ദിക്കുന്നു. കുറ്റങ്ങൾ ചുമത്തുന്നു, കണ്ണീർ വാതകം പ്രയോഗിക്കുന്നു. എന്നാൽ മറ്റൊരു വശത്ത് ഒരു പാക്കിസ്ഥാനിക്ക് പത്മശ്രീ നൽകുകയും ചെയ്യുന്നു. സർക്കാർ തോന്നുന്ന പോലെ പ്രതിഷേധക്കാരെ ‘ദേശവിരുദ്ധരായി’ ചിത്രീകരിക്കുകയാണെന്നും സ്വര ഭാസ്കർ പറയുകയുണ്ടായി.
https://www.facebook.com/Malayalivartha