നിര്ഭയ കേസില് നിര്ണായക വിധി നാളെ... പ്രതികളുടെ മരണവാറന്റ് സ്റ്റേ ചെയ്തത് പിന്വലിക്കണമെന്ന ഹര്ജിയില് നാളെ ഉച്ചയക്ക് 2:30ന് വിധി
നിര്ഭയ കേസില് പ്രതികളുടെ മരണവാറന്റ് സ്റ്റേ ചെയ്തത് പിന്വലിക്കണമെന്ന കേന്ദ്ര സര്ക്കാരിന്റെ ഹര്ജിയില് ഡല്ഹി ഹൈക്കോടതി നാളെ വിധിപറയും. ഉച്ചയ്ക്ക് 2.30നാണ് നിര്ണായക വിധി പറയുന്നത്. നിര്ഭയ കേസിലെ പ്രതികളുടെ വധശിക്ഷ നടപ്പാക്കുന്നതു തടഞ്ഞുള്ള കോടതി ഉത്തരവിനെതിരെ കേന്ദ്രസര്ക്കാര് നല്കിയ ഹര്ജി ഡല്ഹി ഹൈക്കോടതി വിധി പറയാന് മാറ്റിയിരുന്നു. കേസില് കക്ഷിചേര്ന്നിട്ടുള്ള എല്ലാവരുടെയും വാദങ്ങള് കേട്ട ശേഷം ഉത്തരവു പുറപ്പെടുവിക്കുമെന്നാണ് ജസ്റ്റിസ് സുരേഷ് കൈഠ് വ്യക്തമാക്കിയത്.
ശിക്ഷ വൈകിപ്പിക്കാന് പ്രതികള് ബോധപൂര്വം ശ്രമിക്കുകയാണെന്നു കേന്ദ്ര സര്ക്കാരിനു വേണ്ടി ഹാജരായ സോളിസിറ്റര് ജനറല് തുഷാര് മേത്ത വാദിച്ചു. ശിക്ഷ നടപ്പാക്കുന്നത് നീട്ടിക്കൊണ്ടു പോകുകയാണ് പ്രതികളുടെ തന്ത്രം. പ്രതികള് രാജ്യത്തിന്റെ ക്ഷമ പരീക്ഷിക്കുകയാണെന്നും സര്ക്കാരിനു വേണ്ടി ഹാജരായ സോളിസിറ്റര് ജനറല് തുഷാര് മേത്ത ഡല്ഹി ഹൈക്കോടതിയില് പറഞ്ഞു.
കുറ്റകൃത്യം കഴിഞ്ഞ് ഏഴുവര്ഷം കഴിഞ്ഞിട്ടും ശിക്ഷ നടപ്പാക്കാനായിട്ടില്ല. സമൂഹത്തിന്റെയും നീതിയുടെയും താല്പ്പര്യം കണക്കിലെടുത്ത് വധശിക്ഷ ഉടന് നടപ്പിലാക്കണം. നീതി നിര്വഹണം തടസ്സപ്പെടാത്താന് കരുതിക്കൂട്ടിയുള്ള നടപടികള് ഉണ്ടാകുന്നു. നിയമപോംവഴിക്കു പ്രതികള് കാലതാമസം വരുത്തുകയാണെന്നും സോളിസിറ്റര് ജനറല് ചൂണ്ടിക്കാട്ടി.
https://www.facebook.com/Malayalivartha