ജെഎന്‍യു മുന്‍ വിദ്യാര്‍ഥി യൂണിയന്‍ നേതാവും സിപിഐ നേതാവുമായ കനയ്യ കുമാറിന്റെ വാഹനവ്യൂഹത്തിനു നേരെ വീണ്ടും ആക്രമണം. പൗരത്വ നിയമ ഭേദഗതിക്കെതിരേ മാധേപുരയില്‍ റാലിയെ അഭിസംബോധന ചെയ്യാന്‍ പോകവേ വാഹനവ്യൂഹത്തിനു കല്ലേറുണ്ടായി.

അഞ്ച് ദിവസത്തിനിടെ മൂന്നാമത്തെ ആക്രമണമാണു കനയ്യയും സംഘവും നേരിട്ടത്.ബുധനാഴ്ച രാത്രിയും കനയ്യകുമാറിന്റെ വാഹനവ്യൂഹത്തിനു നേര്‍ക്ക് ആക്രമണമുണ്ടായിരുന്നു.

ഒരു സംഘമാളുകള്‍ വാഹനവ്യൂഹത്തിനു നേരെ കല്ലെറിയുകയായിരുന്നു. ചില്ലുകള്‍ തകര്‍ന്നും മറ്റും വാഹനങ്ങള്‍ക്കും നാശനഷ്ടമുണ്ടായിരുന്നു. ആക്രമണത്തില്‍ ചിലര്‍ക്കു പരിക്കേല്‍ക്കുകയും ചെയ്തിരുന്നു. ബിഹാറിലെ സരണ്‍ ജില്ലയിലെ കോപ ബസാറില്‍ ചപ്ര-സിവാന്‍ പാതയിലൂടെ വാഹനവ്യൂഹം കടന്നുപോകുമ്പോഴായിരുന്നു ആദ്യത്തെ ആക്രമണം.