രേഖകളെല്ലാം സുരക്ഷിതമായി സൂക്ഷിച്ചോളൂ. ദേശീയ ജനസംഖ്യ പട്ടികക്ക് ഉപകാരപ്പെടും': കര്ണാടക ബിജെപിയുടെ ഔദ്യോഗിക ട്വിറ്റര് പേജിലെ ട്വീറ്റ് വിവാദമാകുന്നു; എന്പിആറിനെ സംബന്ധിച്ച് ആശങ്കവേണ്ടെന്ന് കേന്ദ്ര സര്ക്കാര് ആവര്ത്തിക്കുമ്പോഴാണ് ബിജെപി സംസ്ഥാന ഘടകത്തിന്റെ ട്വീറ്റ്
സ്ത്രീകള് വോട്ട് ചെയ്യുന്നതിനായി വരി നില്ക്കുന്ന വീഡിയോക്കൊപ്പം 'രേഖകളെല്ലാം സുരക്ഷിതമായി സൂക്ഷിച്ചോളൂ. ദേശീയ ജനസംഖ്യ പട്ടികക്ക് ഉപകാരപ്പെടും'. എന്നായിരുന്നു ബിജെപി കര്ണാട ഘടകത്തിന്റെ ട്വീറ്റ്. എന്പിആറിനെ സംബന്ധിച്ച് ആശങ്കവേണ്ടെന്ന് കേന്ദ്ര സര്ക്കാര് ആവര്ത്തിക്കുമ്ബോഴാണ് ഭീഷണിപ്പെടുത്തുന്ന തരത്തില് ബിജെപി സംസ്ഥാന ഘടകത്തിന്റെ ട്വീറ്റ് എന്നതും ശ്രദ്ധേയം.
എന്പിആറിന് ഒരു രേഖവും ശേഖരിക്കില്ലെന്ന് കേന്ദ്രമന്ത്രി നിത്യാനന്ദ റായ് കഴിഞ്ഞ ദിവസമാണ് പ്രഖ്യാപിച്ചത്. സാധാരണ നടപടിക്രമം മാത്രമാണ് എന്പിആര് എന്നാണ് പ്രധാനമന്ത്രി നരേന്ദ്രമോദി രാജ്യസഭയില് പറഞ്ഞത്.
എന്പിആര് തുടങ്ങിവെച്ചത് കോണ്ഗ്രസാണ്. എന്പിആറിനായി 2010ല് ബയോമെട്രിക് രേഖകള് ആരാണ് ശേഖരിച്ചത്. ഞങ്ങള് അധികാരത്തിലേറിയത് 2014ലാണ്. എന്പിആര് ചിലര് വോട്ട് ബാങ്ക് രാഷ്ട്രീയം കളിക്കാനുപയോഗിക്കുന്നുവെന്നും തെറ്റിദ്ധാരണ പരത്തുകയാണെന്നും പ്രധാനമന്ത്രി രാജ്യസഭയില് വ്യക്തമാക്കി.
അതിനിടെ ദല്ഹിയില് വോട്ട് രേഖപ്പെടുത്തിയ സിനിമാ താരം തപ്സി പന്നുവിനെ ട്വിറ്ററില് ചോദ്യം ചെയ്തയാള്ക്ക് മറുപടി നല്കി താരം രംഗത്തെത്തി. മുംബൈയില് ജീവിക്കുന്നവര് ദല്ഹിയിലുള്ളവരുടെ ഭാവിതീരുമാനിക്കുന്നതെന്തിനാണെന്നായിരുന്നു ട്വിറ്ററില് ഫോളോവര് തപ്സിയോട് ചോദിച്ചത്.
എന്തുകൊണ്ടാണ് മുംബൈയില് ജീവിക്കുന്നവര് ഞങ്ങളുടെ ഭാവി തീരുമാനിക്കുന്നത്. മുംബൈയിലേക്ക് താമസം മാറിയ തപ്സി വോട്ടും അങ്ങോട്ട് മാറ്റേണ്ടതാണ്,’ ട്വിറ്റര് ഉപയോക്താവ് ചോദിച്ചു.
എന്നാല് താന് മുംബൈയില് ജീവിക്കുന്നതിനേക്കാള് കൂടുതല് ജീവിക്കുന്നത് ദല്ഹിയിലാണെന്നും തന്റെ പൗരത്വത്തെ ചോദ്യം ചെയ്യരുതെന്നും തപ്സി മറുപടി നല്കി.
ഞാന് മുംബൈയില് ജീവിക്കുന്നതിനേക്കാള് കൂടുതല് ജീവിച്ചത് ദല്ഹിയിലാണ്. മാത്രവുമല്ല, ഞാന് മറ്റെന്തിനേക്കാളും ഒരു ദല്ഹിക്കാരിയാണ്. ദയവു ചെയ്ത് എന്റെ പൗരത്വത്തെ ചോദ്യംചെയ്യാന് വരരുത്. നിങ്ങള് നിങ്ങളുടെ പൗരത്വത്തെക്കുറിച്ചും നിങ്ങള്ക്കെന്ത് സംഭാവനചെയ്യാന് സാധിക്കുമെന്നും ചിന്തിക്കൂ,’ തപ്സി മറുപടി നല് കി.
‘ഒന്ന് കൂട്ടിച്ചേര്ക്കാന് ഉണ്ട് നിങ്ങള്ക്ക് ഒരു പെണ്കുട്ടിയെ ദല്ഹയില് നിന്നും അകറ്റാം. പക്ഷെ നിങ്ങള്ക്ക് ദല്ഹിയെ ഈ പെണ്കുട്ടിയില് നിന്നും അകറ്റാന് സാധിക്കില്ല. ഞാന് എന്ത് ചെയ്യണം ചെയ്യണ്ട എന്ന് തീരുമാനിക്കാന് നിങ്ങള് ആളല്ല. ഇപ്പോള് നിങ്ങള്ക്ക് മനസിലായില്ലേ ഞാന് എത്രമാത്രം ഒരു ദല്ഹിക്കാരിയാണെന്ന്,”തപ്സി വീണ്ടും മറുപടി പറഞ്ഞു.
https://www.facebook.com/Malayalivartha
