കേന്ദ്ര തിരഞ്ഞെടുപ്പു കമ്മിഷന്റെ മാതൃകയില് വര്ഷം തോറും വോട്ടര് പട്ടിക പുതുക്കുന്നതു സംസ്ഥാന കമ്മിഷന്റെ പരിഗണനയില്
കേന്ദ്ര തിരഞ്ഞെടുപ്പു കമ്മിഷന്റെ മാതൃകയില് വര്ഷം തോറും വോട്ടര് പട്ടിക പുതുക്കുന്നതു സംസ്ഥാന കമ്മിഷനും പരിഗണിക്കുന്നു. 5 വര്ഷത്തിലൊരിക്കല് തദ്ദേശ തിരഞ്ഞെടുപ്പ് അടുക്കുമ്ബോള് മാത്രം പട്ടിക പുതുക്കുന്നതു ജനങ്ങളെ ബുദ്ധിമുട്ടിക്കുന്നെന്ന പരാതിയെ തുടര്ന്നാണിത്. 2018 ജൂലൈ-ഓഗസ്റ്റ് മാസത്തില് കമ്മിഷന് ഇതിനു ശ്രമിച്ചെങ്കിലും പ്രളയത്തെത്തുടര്ന്ന് ഉപേക്ഷിക്കേണ്ടി വന്നു. ഇക്കാര്യത്തില് അനുകൂല നിലപാടാണെന്നും കമ്മിഷനോടു സര്ക്കാരും അഭ്യര്ഥിക്കുമെന്നും തദ്ദേശഭരണ മന്ത്രി എ.സി.മൊയ്തീന് അറിയിച്ചു. എല്ലാ വര്ഷവും ജനുവരി ഒന്നിന് 18 വയസ്സു തികയുന്നവര്ക്കു പേരു ചേര്ക്കാന് അവസരം നല്കിയാണു കേന്ദ്ര തിരഞ്ഞെടുപ്പ് കമ്മിഷന് പട്ടിക പുതുക്കുന്നത്.
വോട്ടര്മാര്ക്ക് ഓണ്ലൈന് വഴി അപേക്ഷിക്കാം. തിരഞ്ഞെടുപ്പു നടപടിക്രമങ്ങള് നടക്കുന്ന ദിവസങ്ങളില് ഒഴികെ വോട്ടര് പട്ടികകളില് പേരു ചേര്ക്കാന് അവസരമുണ്ട്.സംസ്ഥാനത്ത് ചെയ്യുന്നത് 5 വര്ഷത്തിലൊരിക്കല് തദ്ദേശ തിരഞ്ഞെടുപ്പു നടത്തുമ്ബോള് മുഴുവനായും വോട്ടര് പട്ടിക പുതുക്കും.
ഏതെങ്കിലും തദ്ദേശഭരണ സ്ഥാപനങ്ങളില് ഉപതിരഞ്ഞെടുപ്പു വേളയില് ബന്ധപ്പെട്ട വാര്ഡിലോ ഡിവിഷനിലോ ആകും പട്ടിക പുതുക്കല്. കമ്മിഷനു കീഴില് അതതു തദ്ദേശസ്ഥാപന സെക്രട്ടറിമാരാണു തിരഞ്ഞെടുപ്പു റജിസ്ട്രേഷന് ഓഫിസര്മാരായി പ്രവര്ത്തിക്കുന്നത്.
"
https://www.facebook.com/Malayalivartha
