കൊറോണ വൈറസ് ബാധ ഇന്ത്യയുടെ നിരക്കിനെ ബാധിക്കും; ആഗോള റേറ്റിങ് ഏജൻസിയായ മൂഡീസ് റിപ്പോർട്ട് പുറത്ത്
ഇന്ത്യയുടെ വളർച്ചാനിരക്ക് രേഖപ്പെടുത്തി ആഗോള റേറ്റിങ് ഏജൻസിയായ മൂഡീസ്.ആഗോള റേറ്റിംഗ് ഏജൻസിയായ മൂഡീസ് ഇന്ത്യയുടെ വളർച്ചാ നിരക്ക് വീണ്ടും താഴ്ത്തിയിരിക്കുകയാണ്. ഇന്ത്യൻ സമ്പദ്വ്യവസ്ഥ ഈ കലണ്ടർ വർഷം 5.4 ശതമാനം നിരക്കിലായിരിക്കും വളരുകയെന്നാണ് മൂഡീസ് വിലയിരുത്തുന്നത് . നേരത്തെ ഇന്ത്യ 2020 ൽ 6.6 ശതമാനം നിരക്കിൽ വളർച്ച പ്രകടിപ്പിച്ചേക്കുമെന്നാണ് കണക്കാക്കിയിരുന്നു.
കൊറോണ വൈറസ് പൊട്ടിപ്പുറപ്പെട്ടത് ആഗോള സമ്പദ്വ്യവസ്ഥയെ ദോഷകരമായി ബാധിക്കുമെന്നും, വൈറസും അതിന്റെ വ്യാപനവും ഈ വർഷം ആഗോള വളർച്ചയുടെ സ്ഥിരത കൈവരിക്കാനുള്ള സാധ്യതകളെ സംബന്ധിച്ച ശുഭാപ്തിവിശ്വാസം കുറച്ചിരിക്കുകയാണെന്നും മൂഡിസ് റിപ്പോർട്ടിൽ പറയുന്നു .
വൈറസ് വ്യാപിക്കുന്നത് തുടരുന്നതിനാൽ, ചൈനയിലും (എ 1 സ്ഥിരത) ആഗോള സമ്പദ്വ്യവസ്ഥയിലും ഉണ്ടായേക്കാവുന്ന ആഘാതത്തെക്കുറിച്ച് അന്തിമ വിലയിരുത്തൽ ഇപ്പോൾ നടത്താൻ സാധിക്കില്ലായെന്നുമാണ് മൂഡിസിന്റെ നിലപാട്.
കഴിഞ്ഞ രണ്ട് വർഷമായി ഇന്ത്യയുടെ സമ്പദ്വ്യവസ്ഥ തളർച്ച നേരിടുകയാണ്. യഥാർത്ഥ മൊത്ത ആഭ്യന്തര ഉത്പാദനം (കലണ്ടർ ക്യു 3) 2019 ന്റെ മൂന്നാം പാദത്തിൽ 4.5 ശതമാനം മാത്രമായിരുന്നു. പിഎംഐ ഡാറ്റ പോലുള്ള ഏറ്റവും പുതിയ ഹൈ-ഫ്രീക്വൻസി സൂചകങ്ങളിലെ മെച്ചപ്പെടുത്തലുകൾ സൂചിപ്പിക്കുന്നത് സമ്പദ്വ്യവസ്ഥ സുസ്ഥിരമായിരിക്കാമെന്നാണ്.
https://www.facebook.com/Malayalivartha