വീട്ടില് പൂജ നടത്താന് എത്തിയ ആള് ദൈവത്തിന്റെ ലീലാവിലാസങ്ങള്...
വീട്ടില് പ്രത്യേക പൂജ നടത്താമെന്ന വ്യാജേന യുവതിയെയും നാല് സഹോദരിമാരേയും ലൈംഗികമായി പീഡിപ്പിച്ച ആള്ദൈവം അറസ്റ്റില്.
മുപ്പത്തിരണ്ടുകാരനായ സോംനാഥ് ചവാനാണ് അറസ്റ്റിലായത്. തിങ്കളാഴ്ചയാണ് ഇരുപത്തിരണ്ടുകാരിയായ യുവതി പൊലീസ് സ്റ്റേഷനില് പരാതി നല്കിയത്. 2019 ജനുവരിയിലും ഫെബ്രുവരിയിലുമാണ് സോംനാഥ് ഇവരെ ലൈംഗികമായി പീഡിപ്പിച്ചതെന്ന് പരാതിയില് എത്തി പരാതിനല്കുകയായിരുന്നു. സഹോദരിമാര് ഗര്ഭം ധരിക്കാതിരിക്കാന് ആരോ കുടുംബത്തിന് നേരെ മന്ത്രവാദം നടത്തിയിട്ടുണ്ടെന്ന് പ്രതി യുവതിയെ വിശ്വസിപ്പിക്കുകയായിരുന്നു.സഹോദരിമാരില് ഒരാളുടെ ജീവന് അപകടത്തിലാണെന്നും അവളെ രക്ഷപ്പെടുത്താന് പ്രത്യേകം പൂജ നടത്താമെന്നും വീട്ടില് ഒളിഞ്ഞിരിക്കുന്ന നിധി കണ്ടെത്താന് സഹായിക്കാമെന്നും യുവതിയോട് സോംനാഥ് പറഞ്ഞു. ഇതിന്റെ പേരില് പ്രതി യുവതിയോട് മൂന്ന് ലക്ഷം രൂപ ആവശ്യപ്പെട്ടുവെന്നും പൊലീസ് പറയുന്നു. പ്രാഥമിക അന്വേഷണത്തില് പ്രതി പരാതിക്കാരിയെയും സഹോദരങ്ങളെയും പീഡിപ്പിച്ചതായി കണ്ടെത്തിയിട്ടുണ്ട്.പീഡനവിവരം പുറത്തുപറഞ്ഞാല് കൊന്നുകളയുമെന്ന് ഇയാള് പെണ്കുട്ടികളുടെ രക്ഷിതാക്കളെ ഭീഷണിപ്പെടുത്തിയെന്നും ഒരു പെണ്കുട്ടിയെ വിവാഹം കഴിച്ചതിന്റെ വ്യാജരേഖകള് ഉണ്ടാക്കിയതായും പൊലീസ് പറയുന്നു. പോക്സോ വകുപ്പ്, നരബലി, മന്ത്രവാദനിരോധനനിയമം എന്നീ വകുപ്പുകള് പ്രകാരമാണ് സോംനാഥിനെതിരെ കേസെടുത്തിരിക്കുന്നത്.
https://www.facebook.com/Malayalivartha