ആദ്യ പ്രസവത്തില്‍ ഇരട്ട കുട്ടികളാണെങ്കിൽ അടുത്ത കുഞ്ഞിന്​ ജന്‍മം നല്‍കുമ്പോൾ ​ ആനുകൂല്യങ്ങള്‍ക്ക് അര്‍ഹതയില്ലെന്ന് മദ്രാസ് ഹൈകോടതി പറഞ്ഞു. ഇത് മൂന്നാമത്തെ കുട്ടിയായി കണക്കാക്കുമെന്നും കോടതി വ്യക്തമാക്കി . നിലവിലുള്ള നിയമങ്ങള്‍ അനുസരിച്ച്‌, ഒരു സ്ത്രീക്ക് അവരുടെ ആദ്യ രണ്ട് പ്രസവങ്ങള്‍ക്ക് മാത്രമേ ആനുകൂല്യങ്ങള്‍ നേടാനാകൂ . സാധാരണഗതിയില്‍ ഇരട്ട കുട്ടികള്‍ ജനിക്കുന്ന വേളയിൽ ഒന്നിനു പുറകെ ഒന്നായാണ്​ പ്രസവം നടക്കുക. ഒപ്പം അവരുടെ പ്രായവും പ്രായവ്യത്യാസവും നിര്‍ണ്ണയിക്കപ്പെടുന്നത്​ പ്രസവം തമ്മിലുള്ള സമയ വ്യത്യാസത്താലാണ്​. ഇത് ഒറ്റ പ്രസവമായല്ല, രണ്ട് പ്രസവങ്ങളായാണ്​ കണക്കാക്കുക എന്നാണ് കോടതി വ്യക്തമാക്കുന്നത്.

കേന്ദ്ര ആഭ്യന്തര മന്ത്രാലയത്തി​​െന്‍റ ഹർജി അംഗീകരിച്ചുകൊണ്ട്​ ചീഫ്​ ജസ്​റ്റിസ്​ എ.പി സഹി, ജസ്​റ്റിസ്​ സുബ്രഹ്​മണ്യം പ്രസാദ്​ എന്നിവരടങ്ങിയ ബെഞ്ചായിരുന്നു ​ വിധി പുറപ്പെടുവിത്​. തമിഴ്​നാട്ടിലെ സി.​െഎ.എസ്​.എഫ്​ അംഗത്തിന്​​ 180 ദിവസം പ്രസവാവധിയുള്‍​പ്പെടെയുള്ള ആനുകൂല്യങ്ങള്‍ അനുവദിച്ച കഴിഞ്ഞ വര്‍ഷം ജൂണ്‍ 18ലെ കോടതി ഉത്തരവാണ്​ പുതിയ ഉത്തരവോടെ റദ്ദാക്കപ്പെട്ടിരിക്കുന്നത്​.എന്നാല്‍, തമിഴ്‌നാട്ടിലെ പ്രസവാവധി നിയമങ്ങള്‍ ബാധകമല്ലാത്ത സി.ഐ.എസ്.എഫ് അംഗമാണ് അവധിക്ക്​ അവകാശവാദമുന്നയിച്ചതെന്ന്​ വാദിച്ച്‌​ ആഭ്യന്തര മന്ത്രാലയം സമര്‍പ്പിച്ച അപ്പീലിലാണ്​ കോടതി ഉത്തരവ് വന്നിരിക്കുന്നത്​.