ഡയലർ ടോ​ണി​ന് പ​ക​രം കൊറോ​ണ വൈ​റ​സ് ബോ​ധ​വ​ല്‍​ക്ക​ര​ണ സ​ന്ദേ​ശം കേ​ള്‍​പ്പിച്ച് വി​വി​ധ ടെ​ലി​കോം സേ​വ​ന ദാ​താ​ക്ക​ള്‍. കോ​വി​ഡ്-19 വൈ​റ​സ് വ്യാ​പ​ക​മാ​കു​ന്ന സാ​ഹ​ച​ര്യ​ത്തി​ല്‍ ബോ​ധ​വ​ത്ക​ര​ണ​ത്തിന്റെ ഭാഗമായാണ് ഇത്. കോ​ള്‍ ക​ണ​ക്‌ട് ചെ​യ്യു​ന്ന​തി​ന് തൊ​ട്ട് മുമ്പ് കേ​ള്‍​ക്കു​ന്ന​ത് കൊ​റോ​ണ​യെ നേ​രി​ടു​ന്ന​തി​ന് ആ​രോ​ഗ്യ, കു​ടും​ബ​ക്ഷേ​മ മ​ന്ത്രാ​ല​യം പു​റ​ത്തി​റ​ക്കി​യി​രി​ക്കു​ന്ന നി​ര്‍​ദേ​ശ​ങ്ങ​ളാ​ണ്. ഒ​രു ചു​മ​യോ​ടു​കൂ​ടി​യാ​ണ് ഈ ​ശ​ബ്ദ​സ​ന്ദേ​ശം ആരംഭിക്കുന്നത്.

ചുമയ്ക്കുമ്പോഴും തുമ്മുമ്പോഴും തൂ​വാ​ല കൊ​ണ്ടോ, ടി​ഷ്യൂ കൊ​ണ്ടോ മൂ​ക്കും വാ​യും പൊ​ത്തി​പ്പി​ടി​ക്കു​ക, കൈ​ക​ള്‍ ഇ​ട​യ്ക്കി​ടെ സോ​പ്പും വെ​ള്ള​വും ഉ​പ​യോ​ഗി​ച്ച്‌ ക​ഴു​കു​ക. അ​നാ​വ​ശ്യ​മാ​യി ക​ണ്ണി​ലും മൂ​ക്കി​ലും വാ​യി​ലും സ്പ​ര്‍​ശി​ക്ക​രു​ത്. ചു​മ, തു​മ്മ​ല്‍ എ​ന്നി​വ ഉ​ള്ള​വ​രി​ല്‍ നി​ന്ന് ഒ​രു മീ​റ്റ​ര്‍ അ​ക​ലം പാ​ലി​ക്കു​ക' തു​ട​ങ്ങി​യ​വ​യാ​ണ് സ​ന്ദേ​ശ​ത്തി​ല്‍ പ​റ​യു​ന്ന​ത്.

കോവിഡ്-19 ഭീതിയിൽ ലോകം കഴിയുമ്പോൾ പലവിധത്തിലുള്ള മുൻകരുതലുകളും സ്വീകരിക്കുന്നുണ്ട്. ഇപ്പോഴിതാ മദ്യപിക്കുന്നത് കോവിഡ്-19 വൈറസ് ബാധിക്കാതിരിക്കാന്‍ സഹായിക്കില്ലെന്ന് ലോകാരോഗ്യ സംഘടന വ്യക്തമാക്കുന്നു. മദ്യം കഴിക്കുന്നത് വൈറസിനെ ഇല്ലാതാക്കാന്‍ സഹായിക്കുമെന്ന തരത്തില്‍ ഇന്റര്‍നെറ്റില്‍ തെറ്റായ വിവരങ്ങള്‍ പ്രചരിക്കുന്നതിനെ തുടര്‍ന്നാണ് ലോകാരോഗ്യ സംഘടന വിശദീകരണം നല്‍കിയിരിക്കുന്നത്.

ആല്‍കഹോള്‍, ക്ലോറിന്‍ എന്നിവ ദേഹത്ത് സ്‌പ്രേ ചെയ്യുന്നത് കൊണ്ട് ശരീരത്തിനുള്ളില്‍ കയറിപ്പറ്റിയിട്ടുള്ള വൈറസിനെ നശിപ്പിക്കാന്‍ സാധിക്കില്ലെന്നും ലോകാരോഗ്യ സംഘടന പറയുന്നു. ഇങ്ങനെ ചെയ്യുന്നത് കൊണ്ട് നിങ്ങളുടെ വസ്ത്രത്തെയും കണ്ണ്, വായ തുടങ്ങിയ അവയവങ്ങളും ദോഷകരമായി ബാധിക്കാനിടയുണ്ടെന്നും മുന്നറിയിപ്പില്‍ പറയുന്നു. ഏതെങ്കിലും പ്രതലത്തെ അണുവിമുക്തമാക്കുന്നതിന് ആല്‍കഹോളും ക്ലോറിനും ഉപയോഗപ്രദമാണ്. പക്ഷെ അവ വിദഗ്ധരുടെ നിര്‍ദ്ദേശപ്രകാരമായിരിക്കണം ഉപയോഗിക്കേണ്ടതെന്നും ലോകാരോഗ്യ സംഘടന പറയുന്നു.