മധ്യപ്രദേശ് രാഷ്ട്രീയത്തില്‍ നിര്‍ണയ നീക്കം. മ​ധ്യ​പ്ര​ദേ​ശി​ല്‍ ക​മ​ല്‍​നാ​ഥ് സ​ര്‍​ക്കാ​രു​മാ​യി ഇ​ട​ഞ്ഞു നി​ല്‍​ക്കു​ന്ന മു​തി​ര്‍​ന്ന കോ​ണ്‍​ഗ്ര​സ് നേ​താ​വ് ജ്യോ​തി​രാ​ദി​ത്യ സി​ന്ധ്യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യുമായി കൂടിക്കാഴ്ച നടത്തി. ചൊവ്വാഴ്ച രാവിലെ ഡ​ല്‍​ഹി​യി​ലെ​ത്തി​യാ​ണ് ജ്യോ​തി​രാ​ദി​ത്യ സി​ന്ധ്യ പ്ര​ധാ​ന​മ​ന്ത്രി​യെ ക​ണ്ട​ത്.

കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യും കൂ​ടി​ക്കാ​ഴ്ച​യി​ല്‍ പ​ങ്കെ​ടുത്തു. അ​തോ​ടൊ​പ്പം ജ്യോ​തി​രാ​ദി​ത്യ സി​ന്ധ്യ​യെ മു​ന്‍ മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​ന്‍ ബി​ജെ​പി​യി​ലേ​ക്ക് ക്ഷ​ണി​ച്ചു. ‌

ജ്യോ​തി​രാ​ദി​ത്യ സി​ന്ധ്യ നേ​ര​ത്തെ കോ​ണ്‍​ഗ്ര​സ് നേ​താ​ക്ക​ളോ​ട് ക​ടു​ത്ത എ​തി​ര്‍​പ്പ് പ്ര​ക​ടി​പ്പി​ച്ചി​രു​ന്നു. പാ​ര്‍​ട്ടി ത​ന്നെ അ​വ​ഗ​ണി​ച്ചു​വെ​ന്നും ജ്യോ​തി​രാ​തി​ത്യ സി​ന്ധ്യ പ​റ​ഞ്ഞു. ബി​ജെ​പി​യി​ലേ​ക്കു​ള്ള സി​ന്ധ്യ​യു​ടെ കൂ​ടു​മാ​റ്റ​ത്തെ പ്ര​ധാ​ന​മ​ന്ത്രി പി​ന്തു​ണ​ച്ച​താ​യാ​ണ് സൂ​ച​ന.

മ​ധ്യ​പ്ര​ദേ​ശി​ല്‍ നേ​രി​യ ഭൂ​രി​പ​ക്ഷ​ത്തി​ന് ഭ​രി​ക്കു​ന്ന ക​മ​ല്‍​നാ​ഥ് സ​ര്‍​ക്കാ​രിന് തലവേദനയാകുകയാണ് ജ്യോ​തി​രാ​ദി​ത്യ സി​ന്ധ്യ​യു​ടെ നീ​ക്കം. ജ്യോ​തി​രാ​ദി​ത്യ സി​ന്ധ്യ​യെ അ​നു​കൂ​ലി​ക്കു​ന്ന 18 എം​എ​ല്‍​എ​മാ​ര്‍ അ​ജ്ഞാ​ത​കേ​ന്ദ്ര​ത്തി​ലാ​ണ്. ഇത് കമല്‍നാഥ് സര്‍ക്കാരിനെ വലിയ പ്രതിരോധത്തിലാക്കിയിരിക്കുകയാണ്.

കോണ്‍ഗ്രസിന്റെ മുതിര്‍ന്ന നേതാവും മുന്‍ കേന്ദ്രമന്ത്രിയുമായിരുന്ന അന്തരിച്ച മാധവറാവു സിന്ധ്യയുടെ ജന്മദിനത്തിലാണ് 49 കാരനായ മകന്റെ രാഷ്ട്രീയ കരുനീക്കങ്ങള്‍ എന്നതും സംഭവത്തിന്റെ പ്രാധാന്യം വർധിപ്പിക്കുന്നു. സിന്ധ്യയെ പ്രീണിപ്പിക്കുക ലക്ഷ്യമിട്ട് ശിവരാജ് സിങ് ചൗഹാന്‍ അടക്കമുള്ള ബിജെപി നേതാക്കള്‍ മാധവറാവു സിന്ധ്യയ്ക്ക് പുഷ്പാര്‍ച്ചന നടത്തി. മാധവറാവു സിന്ധ്യയെ അനുസ്മരിച്ച്‌ കോണ്‍ഗ്രസ് നേതാവ് ദിഗ് വിജയ് സിങും ട്വീറ്റ് ചെയ്തു.

പരമശ്രേഷ്ഠനായ മാധവറാവു സിന്ധ്യയുടെ പ്രത്യയശാസ്ത്രപരമായ ഉന്നതി, രാഷ്ട്രീയ പാണ്ഡിത്യം, പരമമായ ധാര്‍മ്മികത, കോണ്‍ഗ്രസിനോടുള്ള പ്രതിബദ്ധത എന്നിവ ഇന്നും ഇന്ത്യന്‍ രാഷ്ട്രീയത്തിന്റെ നാഴികക്കല്ലുകളാണ്, എല്ലായ്‌പ്പോഴും അങ്ങനെ തന്നെ ആയിരിക്കും എന്ന് ദിഗ് വിജയ് സിങ് ട്വീറ്റില്‍ കുറിച്ചു.

രാജ്യസഭ തെരഞ്ഞെടുപ്പ് അടുത്തുനിൽക്കേ, ജ്യോതിരാദിത്യ സിന്ധ്യയെ അനുകൂലിക്കുന്ന മന്ത്രിമാര്‍ ഉള്‍പ്പെടെ 18 എംഎല്‍എമാര്‍ ബംഗലൂരുവിലേക്ക് കടന്നതോടെയാണ് രാഷ്ട്രീയ പ്രതിസന്ധിക്ക് ശക്തി കൂടിയത്. പിസിസി അധ്യക്ഷസ്ഥാനം ലഭിക്കാത്തതില്‍ അതൃപ്തനായ സിന്ധ്യ, രാജ്യസഭാ സീറ്റ് കൂടി ലക്ഷ്യമിട്ടാണ് വിമത നീക്കത്തിന് തുടക്കമിട്ടത്. കഴിഞ്ഞ നിയമസഭ തെരഞ്ഞെടുപ്പില്‍ കോണ്‍ഗ്രസ് വിജയിച്ചതിനെ തുടര്‍ന്ന് ജ്യോതിരാദിത്യ സിന്ധ്യ, മുഖ്യമന്ത്രിസ്ഥാനത്തിന് അവകാശവാദം ഉന്നയിച്ചിരുന്നു.