ഇന്ത്യയില്‍ കോവിഡ് 19 വ്യാപനം രണ്ടാം ഘട്ടത്തിലെന്ന് ഇന്ത്യന്‍ കൗണ്‍സില്‍ ഒഫ് മെഡിക്കല്‍ റിസര്‍ച്ച്‌ (ഐ.സി.എം.ആര്‍)​ വ്യക്തമാക്കി. രോഗ വ്യാപനത്തിന്‍റെ തോത് പരിഗണിച്ചാണ് ഈ വിലയിരുത്തല്‍. മൂന്നാം ഘട്ടത്തിലേക്ക് കടന്നാല്‍ അതീവ ഗുരുതരമായ അവസ്ഥയാണ് രാജ്യത്തെ കാത്തിരിക്കുന്നതെന്നും ഇന്ത്യന്‍ കൗണ്‍സില്‍ ഒഫ് മെഡിക്കല്‍ റിസര്‍ച്ച്‌ മുന്നറിയിപ്പ് നല്‍കിയിരുന്നു. എന്നാൽ ഇന്ത്യയില്‍ കൊറോണയുടെ കമ്മ്യൂണിറ്റി വ്യാപനമുണ്ടായതിന് തെളിവില്ലെന്ന് ഇന്ത്യന്‍ റിപ്പോര്‍ട്ട് കൗണ്‍സില്‍ ഒഫ് മെഡിക്കല്‍ റിസര്‍ച്ച്‌ വ്യക്തമാക്കുന്നു. കമ്മ്യൂണിറ്റി വ്യാപനവുമായി ബന്ധപ്പെട്ട് പരിശോധിച്ച ആയിരം സാമ്ബിളുകളില്‍ നിന്ന് പുറത്തുവന്ന 500 ലധികവും നെഗറ്റീവാണ്. ബാക്കി ഫലങ്ങള്‍ കാത്തിരിക്കുകയാണെന്ന് ഐ.സി.എം.ആര്‍ അറിയിച്ചു. തികച്ചും ആശ്വാസം പകരുന്നതാണ് റിപ്പോര്‍ട്ടുകള്‍ എന്ന് അധികൃതര്‍ വ്യക്തമാക്കി.

'ഈ പഠനത്തില്‍ നിന്ന് കമ്മ്യൂണിറ്റി വ്യാപനം ഉണ്ടായതായി തെളിവുകളില്ല എന്നത് ആശ്വാസകരമാണ്'- ആരോഗ്യ പഠന വകുപ്പ് സെക്രട്ടറിയും ഐ.സി‌.എം‌.ആര്‍ ഡയറക്ടര്‍ ജനറലുമായ പ്രൊഫ. ഡോ. ബലറാം ഭാര്‍ഗവ പറഞ്ഞു. പരിശോധനയ്ക്കായി സ്വകാര്യലാബുകള്‍ തയ്യാറാക്കിയിട്ടുണ്ട്. 10 ലക്ഷം പരിശോധനാ കിറ്റുകള്‍ ഓര്‍ഡര്‍ ചെയ്തിട്ടുണ്ട്. രാജ്യത്താകമാനം 72 പരിശോധനാ ലാബുകള്‍ പ്രവര്‍ത്തിക്കുന്നുണ്ട്. ആരോഗ്യ പ്രശ്നങ്ങള്‍ ഉള്ളവര്‍ വീടുകളില്‍ത്തന്നെ കഴിയണം. പരിശോധനയ്ക്കായി സ്വകാര്യ ലാബുകളും സജ്ജീകരിച്ചിട്ടുണ്ടെന്നും ഐ.സി.എം.ആര്‍ അറിയിച്ചു.

അതേസമയം ബം​ഗ​ളൂ​രു​വി​ല്‍ ര​ണ്ടു പേ​ര്‍​ക്ക് കൂ​ടി കൊ​റോ​ണ വൈ​റ​സ് സ്ഥി​രീ​ക​രി​ച്ചു. ഇ​തോ​ടെ ക​ര്‍​ണാ​ട​ക​യി​ല്‍ കൊ​റോ​ണ രോ​ഗി​ക​ളു​ടെ എ​ണ്ണം 13 ആ​യി. യു​എ​സ്‌എ​യി​ല്‍​നി​ന്നും മ​ട​ങ്ങി​വ​ന്ന അ​മ്ബ​ത്തി​യാ​റു​കാ​ര​നും സ്പെ​യി​നി​ല്‍​നി​ന്നും മ​ട​ങ്ങി​യെ​ത്തി​യ ഇ​രു​പ​ത്തി​യ​ഞ്ചു​കാ​രി​ക്കു​മാ​ണ് രോ​ഗം സ്ഥീ​രീ​ക​രി​ച്ച​ത്. ല​ക്നോ​വി​ല്‍ കൊ​റോ​ണ വൈ​റ​സ് ബാ​ധി​ച്ച രോ​ഗി​ക​ളെ ശു​ശ്രൂ​ഷി​ച്ച ഡോ​ക്ട​ര്‍​ക്കും രോ​ഗം സ്ഥീ​ക​രി​ച്ചു. ല​ക്നോ കിം​ഗ് ജോ​ര്‍​ജ് മെ​ഡി​ക്ക​ല്‍ യൂ​ണി​വേ​ഴ്സി​റ്റി ആ​ശു​പ​ത്രി​യി​ലെ ഡോ​ക്ട​ര്‍​ക്കാ​ണ് കൊ​റോ​ണ സ്ഥീ​ക​രി​ച്ച​ത്. ഇ​തോ​ടെ ഇ​ന്ത്യ​യി​ലെ കൊ​റോ​ണ ബാ​ധി​ത​രു​ടെ എ​ണ്ണം 150 ആ​യി.