റോഡില്‍ മണ്ണ് കൊണ്ടുവന്നിട്ട് അതിര്‍ത്തികള്‍ അടച്ച കര്‍ണാടകത്തിന്റെ നടപടിക്കെതിരേ പ്രധാനമന്ത്രിക്ക് കത്തയച്ച് മുഖ്യമന്ത്രി പിണറായി വിജയന്‍. പാത അടച്ചത് നിയമവിരുദ്ധമാണെന്ന് കത്തില്‍ ആരോപിക്കുന്നു. തലശേരി-കുടക് അന്തര്‍സംസ്ഥാന പാതയാണ് കര്‍ണാടകം മണ്ണിട്ട് അടച്ചത്.

കേരളത്തിലേക്കുള്ള നിരവധി പച്ചക്കറി ലോറികളാണ് അതിര്‍ത്തിയില്‍ കുടുങ്ങിക്കിടക്കുന്നത്. കേന്ദ്രസര്‍ക്കാരിന്റെ നിര്‍ദേശത്തിന് വിരുദ്ധമായാണ് കേരളവുമായുള്ള അതിര്‍ത്തികള്‍ കര്‍ണാടകം അടച്ചത്. കാസര്‍ഗോഡും ഇത്തരത്തില്‍ റോഡുകള്‍ അടച്ചിട്ടുണ്ട്. അതിര്‍ത്തി അടച്ചിട്ടത്തോടെ കേരളത്തിലേക്കുള്ള ചരക്ക് നീക്കം പ്രതിസന്ധിയിലായിരിക്കുകയാണ്.