ഡോക്ടര്‍മാര്‍ക്കും നഴ്‌സിനും നിലവാരം കുറഞ്ഞ സുരക്ഷാ ഉപകരണങ്ങള്‍; ആരോഗ്യ പ്രവര്ത്തകര് തന്നെ രോഗിയായി മാറുന്ന സാഹചര്യവും നിലനില്‍ക്കുന്നു; കൊറോണ വൈറസ് പരിശോധനയ്ക്കായി കുറഞ്ഞ നിലവാരമുള്ള സ്വയം സംരക്ഷണ ഉപകരണങ്ങള്‍ നല്‍കിയെന്നാരോപിച്ച് ബംഗാളില്‍ മെഡിക്കല്‍ സ്റ്റാഫുകളുടെ പ്രതിഷേധം
നമ്മളില്‍ ബഹുഭൂരിപക്ഷവും ഇന്ന് സുരക്ഷയെ കരുതിയും പ്രതിരോധത്തിന്റെ ഭാഗമായും വീട്ടില്‍ ഒതുങ്ങി നില്‍ക്കുകയാണ്. അപ്പോഴും കൊറോണക്കെതിരായ പോരാട്ടത്തില്‍ ആണ് രാജ്യത്തെ ആരോഗ്യ പ്രവര്ത്തകര്. ഊണും ഉറക്കവും വെടിഞ്ഞ്, കുംടുബത്തെ പോലും മറന്ന് രാത്രിയെന്നോ പകലെന്നോ വ്യത്യാസമില്ലാതെ കൊറോണയെന്ന മഹമാരിയെ തുരത്തനായി അക്ഷീണം പ്രവര്‍ത്തിക്കുകയാണവര്‍. ഏറെ ബഹുമാനിക്കപ്പെടേണ്ട ജോലിയാണ് അവര്‍ ചെയ്യുന്നത്. അതുകൊണ്ട് വാക്കുകൊണ്ടോ നോക്കുകൊണ്ടോ പ്രവര്‍ത്തികൊണ്ടോ അവരോട് അകല്‍ച്ചയോ അനാദരവോ കണിക്കരുത്. കാര്യങ്ങള്‍ ഇങ്ങനെയൊക്കെയാണെങ്കിലും ആരോഗ്യ പ്രവര്ത്തകര് തന്നെ രോഗിയായി മാറുന്ന സാഹചര്യവും നിലനില്‍ക്കുന്നുവെന്നാണ് ബംഗാളില്‍ നിന്നും പുറത്തുവരുന്ന റിപ്പോര്‍ട്ടുകള്‍.
രോഗികളുമായി ഏറ്റവുമധികം അടുത്തിടപഴകുന്നവരാണ് ഡോക്റ്റര്‍മാരും നഴ്‌സുമാരും ഉള്‍പ്പെടയുള്ള ആരോഗ്യ പ്രവര്ത്തകര്. അതിനാല്‍ ആരോഗ്യ വകുപ്പ് നിഷ്‌ക്കര്‍ഷിച്ച സുരക്ഷാ മാനദണ്ഡങ്ങള്‍ എല്ലായിപ്പോഴും പാലിക്കണം. എന്നാല്‍, കൊറോണ വൈറസ് പരിശോധനയ്ക്കായി കുറഞ്ഞ നിലവാരമുള്ള സ്വയം സംരക്ഷണ ഉപകരണങ്ങള്‍ നല്‍കിയെന്നാരോപിച്ച് ബംഗാളില്‍ മെഡിക്കല്‍ സ്റ്റാഫുകളുടെ പ്രതിഷേധം തുടങ്ങിയെന്നാണ് വിവരം. ബംഗാളിലെ വിവിധ ആശുപത്രികളില്‍ നിന്നായെത്തിയവരാണ് തെരുവിലിറങ്ങി പ്രതിഷേധിച്ചത്. ഇവര്‍ക്ക് സ്വയം സംരക്ഷണത്തിനായി നല്‍കിയ ഉപകരണങ്ങള്‍ നിലവാരമില്ലെന്നാരോപിച്ചാണ് സമരം. വടക്കന്‍ ബംഗാളിലെ ഹൗറ ജില്ലാ ആശുപത്രിക്കു മുന്നിലാണ് പ്രതിഷേധം നടന്നത്.
കൊറോണ വൈറസ് ബാധിച്ച രോഗികളെ ചികിത്സിക്കുന്നതിനായി സ്വയം സംരക്ഷണ ഉപകരണങ്ങള്‍, സാനിറ്റൈസര്‍ പോലുള്ളവ ഗുണമേന്മയില്ലാത്തവയാണെന്ന് ഇവര്‍ ആരോപിച്ചു. തുടര്‍ന്ന് ഡോക്ടര്‍മാരും നേഴ്‌സുമാരുമടക്കം ആശുപത്രി സൂപ്രണ്ട് ഓഫീസിനുമുന്നില്‍ പ്രതിഷേധിക്കുകയായിരുന്നു. ആശുപത്രിയില്‍ ശരിയായ സ്വയം സംരക്ഷണ ഉപകരണങ്ങളോ, കൈകള്‍ വൃത്തിയാക്കാനായുള്ള സാനിറ്റൈസര്‍ അടക്കമുള്ളവയുടെ ലഭ്യത കുറവുണ്ടായിരുന്നു. ശുചീകരണത്തിനാവശ്യമായ സൗകര്യങ്ങളുമില്ല. കൊറോണ വൈറസ് രോഗികള്‍ക്ക് 30 കിടക്കകള്‍ ഏര്‍പ്പെടുത്തിയിരുന്നു. അഡ്മിറ്റ് ചെയത് രോഗികള്‍ക്ക് ശ്വാസതടസമുണ്ടായിട്ടും ഐസൊലേഷന്‍ വാര്‍ഡിലേക്ക് മാറ്റിയില്ല. ജനറല്‍ വാര്‍ഡിലാണ് പ്രവേശിപ്പിച്ചത്. ഈ കാര്യം നമുക്കെല്ലാവര്‍ക്കും ഭീഷണിയാവുമെന്ന് പ്രതിഷേധത്തില്‍ പങ്കെടുത്ത ഒരു നേഴ്‌സ് പറഞ്ഞു.
വടക്കന്‍ ബംഗാളിലെത്തന്നെ സിലിഗുരിയിലെ മെഡിക്കല്‍ കോളേജ് ആശുപത്രിയിലും ഇതേ പ്രശ്‌നം ആരോപിച്ച് ആരോഗ്യപ്രവര്‍ത്തകരടക്കം പ്രതിഷേധം നടത്തിയിരുന്നു. കൊറോണ ബാധിച്ച് മരിച്ചയാളുടെ ശവസംസ്‌കാര ചടങ്ങ് നടത്താന്‍ ആവശ്യമുള്ള മെഡിക്കല്‍ സൗകര്യങ്ങള്‍ ഇല്ലായിരുന്നെന്ന് ഇവര്‍ ആരോപിച്ചു. ആവശ്യമായ സ്വയം സംരക്ഷണ ഉപകരണങ്ങള്‍ ലഭിക്കാത്തതിനെ തുടര്‍ന്ന് കഴിഞ്ഞ ആഴ്ച കൊല്‍ക്കത്ത മെഡിക്കല്‍ കോളേജ് ആശുപത്രിയിലും സമരം നടന്നിരുന്നു.
കൊറോണ വൈറസ്, എച്ച് വണ്‍ എന്‍ വണ്‍, പന്നിപ്പനി, ചിക്കന്‍ പോക്‌സ് തുടങ്ങിയ രോഗങ്ങള്‍ ബാധിച്ചവരെ പ്രത്യേകമായുള്ള ഐസൊലേഷന്‍ റൂമില്‍ പ്രവേശിപ്പിക്കണം. ഇവിടെ മലിനീകരണ വായു നീക്കം ചെയ്യുന്നതിനായുള്ള സൗകര്യവും ആവശ്യമാണെന്നും ഇവര്‍ ചൂണ്ടിക്കാണിക്കുന്നു. ഐസൊലേഷന്‍ വാര്‍ഡുമായി ബന്ധപ്പെടുന്ന എല്ലാ നേഴ്‌സുമാര്‍ക്കു ഡോക്ടര്‍മാര്‍ക്കും പ്രത്യേകതരം കണ്ണടകള്‍, എന്‍ 95 മാസ്‌ക്കുകള്‍, ഷൂ, കയ്യുറകള്‍ തുടങ്ങിയതടക്കമുള്ള മെഡിക്കല്‍ കിറ്റുകള്‍ നല്‍കേണ്ടത് പ്രധാനമാണെന്നും ഇവര്‍ പ്രതികരിച്ചു. എന്തായാലും ആരോഗ്യ പ്രവര്ത്തകര് തന്നെ രോഗിയായി മാറുന്ന സാഹചര്യം പരിഹരിക്കാന്‍ വേണ്ട നടപടി എത്രയും വേഗം സ്വീകരിക്കണമെന്നാണ് നാനഭാഗത്തു നിന്നും ഉയരുന്ന ആവശ്യം.
https://www.facebook.com/Malayalivartha
