പ്രധാനമന്ത്രി നരേന്ദ്ര മോദി ഇന്ന് രാവിലെ രാജ്യത്തെ അഭിസംബോധന ചെയ്യും... കൊവിഡ് ബാധയുടെ പശ്ചാത്തലത്തില് രാജ്യത്ത് ഏര്പ്പെടുത്തിയ ലോക്ക് ഡൗണ് നീട്ടില്ലെന്നാണ് സൂചന
പ്രധാനമന്ത്രി നരേന്ദ്ര മോദി ഇന്ന് രാവിലെ ഒമ്പത് മണിക്ക് രാജ്യത്തെ അഭിസംബോധന ചെയ്യും. തന്റെ ട്വിറ്റര് അക്കൗണ്ടിലൂടെയാണ് രാവിലെ വീഡിയോ സന്ദേശം നല്കുമെന്ന് അദ്ദേഹം അറിയിച്ചത്. ഇംഗ്ലീഷിലും ഹിന്ദിയിലുമായിരുന്നു ട്വീറ്റ്. എന്ത് കാര്യത്തെക്കുറിച്ചാണ് പ്രധാനമന്ത്രിയുടെ സന്ദേശമെന്ന് ട്വീറ്റില് സൂചിപ്പിച്ചിട്ടില്ലെങ്കിലും, കൊവിഡ് 19ന്റെ പശ്ചാത്തലത്തില് അത് തന്നെയായിരിക്കും വിഷയമെന്നാണ് സൂചന.
രോഗവുമായി ബന്ധപ്പെട്ട് നേരത്തെ രണ്ട് തവണ മോദി രാജ്യത്തെ അഭിസംബോധന ചെയ്തിരുന്നു. ആദ്യത്തെ അഭിസംബോധനയില് ജനതാ കാര്ഫ്യൂവും, രണ്ടാമത്തേതില് ലോക്ക് ഡൗണും പ്രഖ്യാപിച്ചു. കൊവിഡ് ബാധയുടെ പശ്ചാത്തലത്തില് രാജ്യത്ത് ഏര്പ്പെടുത്തിയ ലോക്ക് ഡൗണ് നീട്ടില്ലെന്നാണ് സൂചന. ഏപ്രില് 14 വരെ മാത്രമേ ലോക്ക് ഡൗണ് ഉണ്ടാകൂ.
എന്നാല് സഞ്ചാരനിയന്ത്രണം തുടരും. വിവിധ സംസ്ഥാനങ്ങളിലെ മുഖ്യമന്ത്രിമാരുമായി നടത്തിയ വിഡിയോ കോണ്ഫറന്സ് യോഗത്തിലാണ് പ്രധാനമന്ത്രി ഇക്കാര്യം വ്യക്തമാക്കിയത്. ലോക്ക്ഡൗണ് അവസാനിച്ച ശേഷം ജനങ്ങളെ ഘട്ടംഘട്ടമായി സാധാരണ ജീവിതത്തിലേക്ക് കൊണ്ടുവരാന് കേന്ദ്രവും സംസ്ഥാനങ്ങളും ഒന്നിച്ച് പദ്ധതി തയ്യാറാക്കണമെന്ന് മോദി നിര്ദേശം നല്കി. കൊവിഡ് പ്രതിരോധത്തിനായി സാമ്ബത്തിക, മെഡിക്കല് സഹായം നല്കണമെന്ന് മുഖ്യമന്ത്രിമാര് ആവശ്യപ്പെട്ടെങ്കിലും പ്രധാനമന്ത്രി മറുപടി നല്കിയിരുന്നില്ല.
"
https://www.facebook.com/Malayalivartha