നിസാമുദ്ദിനില് വച്ച് നടന്ന മത സമ്മേളനത്തില് പങ്കെടുത്ത 400 പേര്ക്ക് കോവിഡ് രോഗം സ്ഥിരീകരിച്ചതോടെ ആ പ്രദേശങ്ങള് ഉള്പ്പെടുന്ന ഭാഗങ്ങളില് കഴിഞ്ഞ ദിവസം ആരോഗ്യ പ്രവര്ത്തകര് തളിച്ചത് 20000 ലിറ്റര് അണുനാശിനി ... നിലവില് ആരോഗ്യപ്രവര്ത്തകര് യുദ്ധകാല അടിസ്ഥാനത്തിലാണ് പ്രവര്ത്തനം നടത്തിവരുന്നത്
നിസാമുദ്ദിനില് വച്ച് നടന്ന മത സമ്മേളനത്തില് പങ്കെടുത്ത 400 പേര്ക്ക് കോവിഡ് രോഗം സ്ഥിരീകരിച്ചതോടെ ആ പ്രദേശങ്ങള് ഉള്പ്പെടുന്ന ഭാഗങ്ങളില് കഴിഞ്ഞ ദിവസം ആരോഗ്യ പ്രവര്ത്തകര് 20000 ലിറ്റര് അണുനാശിനിയാണ് തളിച്ചത് .ഇതോടെ രോഗവ്യാപനത്തിനുള്പ്പടെയുള്ള സാധ്യത കുറഞ്ഞേക്കാന് കാരണമാകും .നിലവില് ആരോഗ്യപ്രവര്ത്തകര് യുദ്ധകാല അടിസ്ഥാനത്തിലാണ് പ്രവര്ത്തനം നടത്തിവരുന്നത് .നിലവിലെ സാഹചര്യം കണക്കിലെടുത്താല് നിസാമുദ്ദിനില് പങ്കെടുത്തവരില് ഇനിയും രോഗബാധ സ്ഥിരീകരിച്ചിട്ടില്ലാത്ത ക്വാറന്റായിനില് കഴിയുന്നവരുണ്ട്
നിലവില് സമ്മേളനത്തില് പങ്കെടുത്തവരും അവരോട് ഇടപഴകിയ 9000 ത്തോളം പേരെ ഇപ്പോള് നിരീക്ഷണത്തില് തുടരാനാണ് നിര്ദ്ദേശം നല്കിയിരിക്കുന്നത് .അതേസമയം നിസാമുദ്ദീന് തബ്ലീഗ് സമ്മേളനത്തില് പങ്കെടുത്തവരില് 2 പേര്കൂടി കോവിഡ് ബാധിച്ചു ഡല്ഹിയില് മരിച്ചു. സമ്മേളനത്തില് പങ്കെടുത്തവരില് നാനൂറിലേറെപ്പേര്ക്കു രോഗം സ്ഥിരീകരിച്ചിട്ടുണ്ട്.പങ്കെടുത്തവരും സമ്പര്ക്കം പുലര്ത്തിയവരുമായി ഒന്പതിനായിരത്തോളം പേര് രാജ്യത്താകെ നിരീക്ഷണത്തിലുണ്ടെന്നു കേന്ദ്ര ആരോഗ്യമന്ത്രാലയം ജോയിന്റ് സെക്രട്ടറി ലവ് അഗര്വാള് പറഞ്ഞു. തമിഴ്നാട്ടില് ഇന്നലെ രോഗം സ്ഥിരീകരിച്ച 75ല് 74 പേരും തബ്ലീഗ് സമ്മേളനത്തില് പങ്കെടുത്തവരാണ്.
ഇതിനോടനുബന്ധിച്ച് , നിസാമുദ്ദീനിലെ അലാമാ മര്കസ് ബംഗ്ലാവാലി പള്ളിയില് നടന്ന തബ്ലീഗ് സമ്മേളനത്തില് പങ്കെടുത്ത 960 വിദേശികളുടെ വീസ കേന്ദ്ര ആഭ്യന്തര മന്ത്രാലയം റദ്ദാക്കി. ഇവരെ വിലക്കുപട്ടികയിലാക്കി. വിനോദസഞ്ചാരി വീസയിലെത്തി മതസമ്മേളനത്തില് പങ്കെടുത്തുവെന്നതാണു കുറ്റം. മാത്രമല്ല രാജ്യത്ത് ഇത്രയധികം ആപത് ഘട്ടത്തിലേക്ക് തള്ളിനീക്കിക്കിയ സംഭവമായി ഈ മതസമ്മേളനം മാറിയിരിക്കുകയാണ് സൗദി അറേബ്യ, തായ്ലന്ഡ് , മലേഷ്യ, ഇന്തൊനീഷ്യ, കിര്ഗിസ്ഥാന് എന്നീ രാജ്യങ്ങളില് നിന്നുള്ളവരാണിവര്. ഭൂരിഭാഗം പേരും ഇപ്പോഴും ഇന്ത്യയുടെ പല ഭാഗങ്ങളിലാണ്; കുറേപ്പേര് കോവിഡ് ബാധിച്ച് ക്വാറന്റീനിലും.
ഡല്ഹി പൊലീസ് കമ്മിഷണര്ക്കും വിവിധ സംസ്ഥാന ഡിജിപിമാര്ക്കും കേന്ദ്ര ആഭ്യന്തര മന്ത്രാലയം അയച്ച സന്ദേശത്തില് ഇവര്ക്കെതിരെ നിയമനടപടിക്കു നിര്ദേശിച്ചു. അതിനിടെ, സമ്മേളനത്തില് പങ്കെടുത്ത ഡല്ഹിക്കാരായ 47 പേര്ക്കും രോഗം സ്ഥിരികരിച്ചിട്ടുണ്ട്. യുപിയില് 569 പേരാണു നിരീക്ഷണത്തിലുള്ളത്; ഇതില് 218 പേര് വിദേശികള്. തബ്ലീഗ് ജമാഅത്ത് മേധാവി മൗലാനാ സാദ് യുപിയില് ഒളിവിലാണെന്നു ഡല്ഹി പൊലീസ് പറഞ്ഞു.
താന് ഹോം ക്വാറന്റീനിലാണെന്ന അദ്ദേഹത്തിന്റെ ഓഡിയോ സന്ദേശം പുറത്തുവന്നതിനു പിന്നാലെ പൊലീസ് തിരച്ചില് ഊര്ജിതമാക്കി.നിലവില് ഇന്ത്യയില് രണ്ടായിരത്തി അഞ്ഞൂറിലധികം പേര്ക്ക് കോവിഡ് രോഗം സ്ഥിരീകരിച്ചിരിക്കുകയാണ് .നിലവില് കര്ശന നിയന്ത്രണങ്ങള് തുടരുന്ന സാഹചര്യത്തിലും ഒരു കൂട്ടമാളുകള് നിസ്സഹകരണവുമായി മുന്നോട്ട് പോകുന്നത് രാജ്യത്തിന് ആപത്തായി മാറിയിരിക്കുകയാണ്.
"
https://www.facebook.com/Malayalivartha