പ്രധാനമന്ത്രിയുടെ സന്ദേശം... ലോക്ഡൗണിനോട് രാജ്യം നന്നായി പ്രതികരിച്ചെന്ന് മോദി, പല രാജ്യങ്ങളും ഇത് മാതൃകയാക്കുന്നുരാജ്യത്തിന്റെ സാമൂഹിക ശക്തി പ്രകടമാകുന്നു, ലോക് ഡൗണില്‍ ആരും ഒറ്റയ്ക്കല്ലെന്ന് മോദി.... ഒരുമിച്ച് പുറത്തിറങ്ങരുത്, ഞായറാഴ്ച 9 മണിക്ക് 9 മിനിറ്റ് വെളിച്ചം തെളിയിക്കണം. ലോക്ക്ഡൗണിനോടുള്ള ജനങ്ങളുടെ സഹകരണത്തിന് പ്രധാനമന്ത്രി നന്ദി പറഞ്ഞു. ലോക്ക് ഡൗണ്‍ ഒന്‍പത് ദിവസമായെന്നും ഇതിനോട് ഇന്ത്യയിലെ ജനങ്ങള്‍ നന്നായി സഹകരിച്ചെന്നും പ്രധാനമന്ത്രി.

രാജ്യത്തിന്റെ ഐക്യം ലോക്ക് ഡൗണില്‍ പ്രകടമായെന്നും പ്രധാനമന്ത്രി. ലോക്ക് ഡൗണിന്റെ നാളുകളില്‍ രാജ്യത്തിന്റെ ഭരണ സംവിധാനം നന്നായി പ്രവര്‍ത്തിച്ചു. ഏപ്രില്‍ അഞ്ച് ഒന്‍പത് മണിക്ക് ഒന്‍പത് മിനിറ്റ് വിളക്കുകളെല്ലാം അണച്ച് വെളിച്ചം തെളിയിക്കണം. ടോര്‍ച്ചോ , മൊബൈല്‍ ഫോണിന്റെ വെളിച്ചമോ,മെഴുകുതിരിയോ ഉപയോഗിച്ച് വെളിച്ചം തെളിയിക്കണം. ഈ വെളിച്ചം 130 കോടി ജനങ്ങളുടെ ശക്തിയുടെ പ്രകടനമാകും.കൊറോണ വ്യാപനം തടയാന്‍ അടച്ചിടല്‍ നിലവിലുള്ള പശ്ചാത്തലത്തിലാണ് പ്രധാനമന്ത്രി വീഡിയോ സന്ദേശം നല്‍കിയത്.

കൊറോണ വൈറസുമായി ബന്ധപ്പെട്ട് കഴിഞ്ഞമാസം രണ്ടുവട്ടം പ്രധാനമന്ത്രി ജനങ്ങളെ അഭിസംബോധന ചെയ്തിരുന്നു. ജനതാകര്‍ഫ്യൂ, അടച്ചിടല്‍ പ്രഖ്യാപനങ്ങള്‍ നടത്തിയത് രാജ്യത്തെ അഭിസംബോധന ചെയ്യുന്നതിനിടയിലാണ്.