നിലവില്‍ കോവിഡ് എന്ന മഹാമാരി കാരണം സാമൂഹ്യവ്യാപനം തടയുന്നതിന്റെ ഭാഗമായി മൂന്നാഴ്ചത്തേക്കുള്ള ലോക്ക് ഡൗണ്‍ തുടരവേ ഈ വരുന്ന ഏപ്രില്‍ 5 നു രാത്രി ഒന്‍പതു മണിക്ക് വെളിച്ചം തെളിയിച്ചു രോഗപ്രതിരോധത്തിനായുള്ള ഐക്യദാര്‍ഢ്യം പങ്കുവയ്ക്കണമെന്ന് പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്തു പറഞ്ഞിരിക്കുകയാണ് .നിലവില്‍ അടിയന്തര ഘട്ടം കണക്കിലെടുത്ത് രോഗ പ്രതിരോധത്തിനായി 1 ബില്യണ്‍ യു എസ് ഡോളറാണ് ലോക ബാങ്ക് അടിയതിര സാമ്പത്തിക പാക്കേജായി ഇന്ത്യയ്ക്ക് നല്‍കിയിരിക്കുന്നത് .നിലവില്‍ ഇന്ത്യയില്‍ കോവിഡ് ബാധിതര്‍ 2000 കടന്നതോടെ വിലക്ക് ലംഘിച്ചു പുറത്തു പോകുന്നവര്‍ക്ക് കടുത്ത ശിക്ഷ നല്കുന്നതുള്‍പ്പടെ ഉള്ള കാര്യങ്ങലാണ് നിലവില്‍ കേന്ദ്ര സര്‍ക്കാര്‍ നിര്‍ദേശിച്ചിരിക്കുന്നത്
ലോക്ഡൗണിനോട് സഹകരിച്ച എല്ലാവര്‍ക്കും നന്ദി രേഖപ്പെടുത്തിയാണ് പ്രധാനമന്ത്രി നരേന്ദ്ര മോദി രാജ്യത്തെ ജങ്ങളെ അഭിസംബോധന ചെയ്തത് . ജനം നല്ല രീതിയില്‍ അച്ചടക്കം പാലിച്ചു. രാജ്യം ഒന്നായി കോവിഡിനെതിരെ പോരാടുകയാണ്. പല രാജ്യങ്ങളും ഇന്ത്യയെ മാതൃകയാക്കുകയാണ്. ഒറ്റയ്ക്ക് എങ്ങനെ രോഗം നേരിടുമെന്നു പലര്‍ക്കും ആശങ്കയുണ്ട്. കഷ്ടപ്പാട് എന്നു തീരുമെന്നു പലരും ആശങ്കപ്പെടുന്നു. നിങ്ങള്‍ ഒറ്റയ്ക്കല്ല, 130 കോടി ജനം ഒപ്പമുണ്ട്. കോവിഡ് പ്രതിരോധത്തിന്റെ ഭാഗമായി രാജ്യം ലോക്ഡൗണില്‍ തുടരവെ ജനങ്ങളോടു സംസാരിക്കുകയായിരുന്നു പ്രധാനമന്ത്രി.ഈ മഹാമാരിയെ തുരത്തുന്നതില്‍ ഇന്ത്യ ഏറെക്കുറെ വിജയിച്ചുവെന്നും നിയന്ത്രണ വിധേയമായി തുടരുന്നത് അതുകൊണ്ടാണെന്നും അദ്ദേഹം വ്യക്തമാക്കി

കോവിഡ് എന്ന ഇരുട്ടിനെ അകറ്റണം. ഇതിനായി ഏപ്രില്‍ അഞ്ച് വെളിച്ചമാകണം. അന്നു രാത്രി 9ന് വീടിനു മുന്നില്‍ 9 മിനിറ്റ് ദീപം തെളിക്കണം. വീട്ടിലെ ലൈറ്റെല്ലാം അണയ്ക്കണം. ടോര്‍ച്ചോ മൊബൈല്‍ വെളിച്ചമോ ഉപയോഗിക്കാം. ആരും ഇതിനായി കൂട്ടം കൂടരുത്, പുറത്തിറങ്ങരുത് എന്നും മോദി പറഞ്ഞു.കൊറോണ വ്യാപനം തടയാന്‍ അടച്ചിടല്‍ നിലവിലുള്ള പശ്ചാത്തലത്തിലാണ് പ്രധാനമന്ത്രി വീഡിയോ സന്ദേശം നല്‍കിയത്. കൊറോണ വൈറസുമായി ബന്ധപ്പെട്ട് കഴിഞ്ഞമാസം രണ്ടുവട്ടം പ്രധാനമന്ത്രി ജനങ്ങളെ അഭിസംബോധന ചെയ്തിരുന്നു. ജനതാകര്‍ഫ്യൂ, അടച്ചിടല്‍ പ്രഖ്യാപനങ്ങള്‍ നടത്തിയത് രാജ്യത്തെ അഭിസംബോധന ചെയ്യുന്നതിനിടയിലാണ്. രാത്രി എട്ട് മണിക്കാണ് സാധാരണ പ്രധാനമന്ത്രി ജനങ്ങള്‍ക്ക് മുന്നിലെത്താറുള്ളത് എന്നാല്‍ പതിവില്‍ നിന്ന് വ്യത്യസ്തമായി രാവിലെ 9 മണിക്കാണ് പ്രധാനമന്ത്രിയുടെ വീഡിയോ സന്ദേശം പുറപ്പെടുവിച്ചത്.