മുബൈയിലെ സ്വകാര്യ ആശുപത്രിയുടെ കണ്ണില്‍ചോരയില്ലാത്ത നടപടി; മലയാളികളായ 7 നഴ്സുമാര്ക്ക് കൊവിഡ് സ്ഥിരീകരിച്ചു; സഹ നഴ്സുമാരെ ക്വാറന്റൈന്‍ ചെയ്യാതെ .
03 APRIL 2020 06:15 PM IST
മലയാളി വാര്‍ത്ത
നഴ്സുമാര്‍ ഉള്‍പ്പെടെയുള്ള ആരോഗ്യപ്രവര്‍ത്തകര്‍ക്ക് കൊറോണ സ്ഥിരീകരിച്ചതിനെ തുടര്‍ന്ന് മഹാരാഷ്ട്രയിലെ അഞ്ച് ആശുപത്രികള്‍ അടച്ചുപൂട്ടാന്‍ സംസ്ഥാന സര്‍ക്കാര്‍ നിര്‍ദേശം നല്‍കിയിരുന്നു. എന്നാല്‍, രോഗികളെ മറ്റ് ആശുപത്രികളിലേക്ക് മാറ്റാന്‍ ആശുപത്രി അധികൃതര്‍ തയ്യാറാകുന്നില്ലെന്നും നഴ്സുമാര്‍ ആരോപിക്കുന്നു. അടച്ചുപൂട്ടാന്‍ നിര്‍ദേശം നല്‍കിയ ആശുപത്രികളിലൊന്നിലെ മലയാളി നഴ്സുമാരാണ് ഇപ്പോള്‍ പരാതിയുമായി രംഗത്തെത്തിയിരിക്കുന്നത്.
'ജീവനക്കാര്‍ കുറഞ്ഞതിനു പിന്നാലെ വിശ്രമം നല്‍കാതെ നഴ്സുമാരെ കൊണ്ട് തുടര്‍ച്ചയായി ജോലി ചെയ്യിപ്പിക്കുകയാണ്. നഴ്സുമാര്ക്ക് ഭക്ഷണം കഴിക്കാനോ കൊറോണ വാര്‍ഡില്‍ കൈ കഴുകാന്‍ പോലുമുള്ള സൗകര്യം ആശുപത്രി അധികൃതര്‍ ഒരുക്കുന്നില്ലെന്നും പരാതി ഉയര്‍ന്നിട്ടുണ്ട്. സഹപ്രവര്‍ത്തകരായ നഴ്സുമാരെ ക്വാറന്റൈനില്‍ പ്രവേശിപ്പിക്കാനും ആശുപത്രി അധികൃതര്‍ തയ്യാറാക്കുന്നില്ല. ലക്ഷണങ്ങള്‍ പ്രകടിപ്പിക്കാത്ത പലര്‍ക്കും കൊറോണ സ്ഥിരീകരിച്ചിട്ടുണ്ട്. അതിനാല്‍ത്തന്നെ മറ്റുള്ളവരെ ക്വാറന്റൈനില്‍ പ്രവേശിപ്പിക്കണം.' നഴ്സുമാര്‍ ആവശ്യപ്പെടുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
