നിങ്ങള്‍ രാജ്യത്തിെന്‍റ യശസ്സ് ഉയര്‍ത്തിയവരാണ്. ഇന്ത്യന്‍ ജനതയുടെ ആത്മവീര്യം ഉയര്‍ത്താനും രാജ്യത്ത് നല്ല ചിന്ത വളര്‍ത്താനും നിങ്ങള്‍ക്കാകും; കോവിഡ്-19 രോഗവ്യാപനത്തിെന്‍റ പശ്ചാത്തലത്തില്‍ ഇന്ത്യയിലെ മുന്‍നിര കായികതാരങ്ങളുമായി പ്രധാനമന്ത്രി ചര്‍ച്ച നടത്തി
കോവിഡ്-19 രോഗവ്യാപനത്തിെന്‍റ പശ്ചാത്തലത്തില്‍ ഇന്ത്യയിലെ മുന്‍നിര കായികതാരങ്ങളുമായി പ്രധാനമന്ത്രി ചര്‍ച്ച നടത്തി. വിഡിയോ കോണ്‍ഫറന്‍സിങ് വഴിയായിരുന്നു പ്രധാനമന്ത്രി താരങ്ങളെ കണ്ടത്. 49 കായികതാരങ്ങള്‍ക്കൊപ്പം കേന്ദ്ര കായിക മന്ത്രി കിരണ്‍ റിജിജുവും ചർച്ചയിൽ പങ്കെടുത്തു.
സൗരവ് ഗാംഗുലി, സചിന്‍ ടെണ്ടുല്‍ക്കര്‍, വിരാട് കോഹ്ലി, വീരേന്ദര്‍ സെവാഗ്, എം.എസ്. ധോണി, രോഹിത് ശര്‍മ, സഹീര്‍ ഖാന്‍, യുവരാജ് സിങ്, കെ.എല്‍. രാഹുല്‍, മുഹമ്മദ് ഷമി, ചേതേശ്വര്‍ പൂജാര എന്നീ ക്രിക്കറ്റ് താരങ്ങള്‍ ചര്‍ച്ചയില്‍ പങ്കെടുത്തു. മലയാളി അത്ലറ്റുകളായ പി.ടി. ഉഷ, അഞ്ജു ബോബി ജോര്‍ജ്, കെ.ടി. ഇര്‍ഫാന്‍ എന്നിവരും ചര്‍ച്ചയില്‍ പങ്കാളികളായി. വിശ്വനാഥ് ആനന്ദ് (ചെസ്), പി.വി. സിന്ധു, ഗോപിചന്ദ്, സായ് പ്രണീത് (ബാഡ്മിന്‍റണ്‍), ഹിമദാസ്, നീരജ് ചോപ്ര (അത്ലറ്റിക്സ്), മേരി കോം, സിമ്രന്‍ജിത് കൗര്‍ (ബോക്സിങ്), യോഗേശ്വര്‍ ദത്ത്, വിനേഷ് ഫോഗട്ട്, ബജ്റങ് പുനിയ (ഗുസ്തി), റാണി റാംപാല്‍, ശാരദ സിങ് (ഹോക്കി), ഗഗന്‍ നരംഗ്, മനു ഭാകര്‍, അപൂര്‍വി ചന്ദേല, അഭിഷേക് വര്‍മ (ഷൂട്ടിങ്), ദീപിക കുമാരി അമ്ബെയ്ത്ത് ) തുടങ്ങിയവരും ചര്‍ച്ചയുടെ ഭാഗമായി. ഓരോ താരത്തിനും സംസാരിക്കാന്‍ നിശ്ചിത സമയം
നല്‍കിയായിരുന്നു ചര്‍ച്ച പുരോഗമിച്ചത്.
രോഗവ്യാപനത്തിെന്‍റയും ലോക്ക്ഡൗണിെന്‍റയും പശ്ചാത്തലത്തില്‍ ജനങ്ങളെ ബോധവത്കരിക്കാന്‍ കായിക താരങ്ങളുടെ സേവനം ഉറപ്പാക്കുന്നതിെന്‍റ ഭാഗമായായിരുന്നു ചര്‍ച്ച. ലോക്ക്ഡൗണ്‍ നിയന്ത്രണങ്ങള്‍ പാലിക്കാന്‍ ജനങ്ങളെ കായിക താരങ്ങള്‍ പ്രേരിപ്പിക്കണം എന്നും പ്രധാനമന്ത്രി ആവശ്യപ്പെട്ടു.. സങ്കല്‍പ്, സന്യം, സകരാത്മകത, സമ്മാന്‍, സഹയോഗ് എന്നീ അഞ്ചിന മന്ത്രവും മോദി കായിക താരങ്ങളമായി പങ്കുവെച്ചു. 'കായിക താരങ്ങള്‍ നല്‍കുന്ന പ്രചോദനം ഇന്ത്യക്ക് പുത്തന്‍ ഉണര്‍വ് നല്‍കും. ടീം ഇന്ത്യ ആയിട്ടാണ് കോവിഡ് 19നെ നമ്മള്‍ നേരിടുന്നത്. അതിന് ഇന്ത്യന്‍ ക്രിക്കറ്റ് നായകന്‍ വിരാട് കോഹ്ലിയുടെ പോരാട്ട വീര്യം നമ്മള്‍ കാട്ടണം. സാമൂഹിക അകലം പാലിക്കല്‍, വൃത്തി കാത്തുസൂക്ഷിക്കല്‍ തുടങ്ങിയ സന്ദേശം നിങ്ങള്‍ ജനങ്ങള്‍ക്കിടയില്‍ പ്രചരിപ്പിക്കണം. അച്ചടക്കം, മനോബലം നേടല്‍, രോഗപ്രതിരോധശേഷി നേടാന്‍ ആരോഗ്യം കാത്തുസൂക്ഷിക്കല്‍ എന്നിവയുടെ പ്രാധാന്യം മനസിലാക്കി കൊടുക്കണം. ഇതിനായി നിങ്ങളുടെ സമൂഹമാധ്യമ പേജുകള്‍ ഉപയോഗപ്പെടുത്തണം' എന്നും പ്രധാന മന്ത്രി പറഞ്ഞു.
കോവിഡ് 19നെതിരായുള്ള പോരാട്ടത്തില്‍ മുന്‍ നിരയിലുള്ള ആരോഗ്യ പ്രവര്‍ത്തകര്‍ക്കും പൊലീസുകാര്‍ക്കും അംഗീകാരവും ആദരവും ഉറപ്പാക്കുന്ന പ്രധാനമന്ത്രിയുടെ നടപടികളെ കായിക താരങ്ങള്‍ അഭിനന്ദിച്ചതായി പ്രധാനമന്ത്രിയുടെ ഓഫിസ് വ്യക്തമാക്കി.
https://www.facebook.com/Malayalivartha
