സുരക്ഷാ ഉദ്യോഗസ്ഥരെ ആക്രമിച്ചു. മാസ്ക് മാറ്റി ചുമയ്ക്കും. പുറത്തിറങ്ങി കറക്കം. ഒടുവില് ജെഎന്യു വിദ്യാര്ത്ഥിയെ തൂക്കിയെടുത്ത് പൊലീസ്.
കൊവിഡ് രോഗം പരത്തുമെന്ന് ഭീഷണിപ്പെടുത്തിയതിന് ജെഎന്യു വിദ്യാര്ത്ഥിക്കെതിരെ കേസെടുത്തു. പ്രണവ് മേനോന് എന്ന വിദ്യാര്ത്ഥിക്കെതിരെയാണ് കേസെടുത്തിരിക്കുന്നത്. ഇക്കഴിഞ്ഞ ബുധനാഴ്ച രാത്രിയാണ് വിദ്യാര്ത്ഥി പുറത്തിറങ്ങിയത്. യൂണിവേഴ്സിറ്റി ക്യാമ്പസിന്റെ നോര്ത്ത് ഗേറ്റ് വിട്ട് ആരും പുറത്തിറങ്ങരുതെന്നായിരുന്നു നിര്ദേശമെന്നും വിദ്യാര്ത്ഥി അനുസരിച്ചില്ലെന്നും സുരക്ഷാ ഉദ്യോഗസ്ഥര് പറഞ്ഞു. പുറത്തിറങ്ങരുതെന്ന് വിദ്യാര്ത്ഥിയോട് പറഞ്ഞപ്പോള് ചുമച്ച് കൊറോണ പരത്തുമെന്ന് വിദ്യാര്ത്ഥി ഭീഷണിപ്പെടുത്തിയെന്നും ജീവനക്കാര് പറഞ്ഞു. വിദ്യാര്ത്ഥിയെ തിരികെ ക്യാമ്പസിനുള്ളിലേക്ക് കയറ്റാന് ശ്രമിച്ചപ്പോള് മാസ്ക് മാറ്റി വിദ്യാര്ത്ഥി ചുമച്ചെന്നും പൊലീസ് രജിസ്റ്റര് ചെയ്തിരികുന്ന എഫ്ഐആറില് പറയുന്നു. ജെഎന്യു ലോ ആന്ഡ് ഗവണന്സ് എംഫില് വിദ്യാര്ത്ഥിയാണ് പ്രണവ്.
എന്നാല്, വാര്ഡന്റെ അനുമതിയോടെ അടിയന്തര കാര്യത്തിനാണ് പുറത്തിറങ്ങിയതെന്നും പൊലീസ് കള്ളക്കേസാണ് ചുമത്തിയതെന്നും വിദ്യാര്ത്ഥി ആരോപിച്ചു. തന്നെ അകാരണമായി വാഴ്സിറ്റി അധികൃതര് ലക്ഷ്യം വെയ്ക്കുകയാണെന്ന് വിദ്യാര്ത്ഥി പൊലീസിന് പരാതി നല്കി. തന്നെ അപകീര്ത്തിപ്പെടുത്താനാണ് സുരക്ഷാ ജീവനക്കാരുടെ ശ്രമമെന്നും വിദ്യാര്ത്ഥി പരാതിയില് പറയുന്നു. വാര്ഡനില് നിന്ന് അനുമതി വാങ്ങിയിട്ടാണ് പുറത്തിറങ്ങിയതെന്നും തിരികെ ഹോസ്റ്റലിലേക്ക് വരില്ലെന്ന് സുരക്ഷാ ജീവനക്കാരെ അറിയിച്ചെന്നും വിദ്യാര്ത്ഥി ആവര്ത്തിച്ചു.
തന്റെ സുഹൃത്ത് അസുഖബാധിതനായി വീട്ടില് കഴിയുകയാണ്. പരിചരിക്കാന് ആരുമില്ല. അതുകൊണ്ടാണ് പുറത്തിറങ്ങിയതെന്നും ലോക്ക്ഡൗണ് നിര്ദേശം ലംഘിച്ചിട്ടില്ലെന്നും വിദ്യാര്ത്ഥി വ്യക്തമാക്കി. സുരക്ഷാ ജീവനക്കാരുടെ മര്ദനത്തില് പരിക്കേറ്റെന്നും വിദ്യാര്ത്ഥി ആരോപിച്ചു. അതേസമയം, സിസിടിവി ദൃശ്യങ്ങള് പരിശോധിക്കുമെന്ന് ഡല്ഹി പൊലീസ് അറിയിച്ചു.
അതിനിടെ, കൊറോണ വ്യാപിക്കുന്നതിനെ തുടര്ന്ന് ഡല്ഹി ആര്.കെ. പുരത്തെ ചേരി അടച്ചു. സൗത്ത് മോത്തി ബാഗിന് സമീപമുള്ള ജെജെ കോളനിയാണ് അടച്ചത്. ഇവിടെ താമസിക്കുന്ന എയിംസ് ട്രോമാ കെയറിലെ ശുചീകരണ തൊഴിലാളിക്ക് രോഗം സ്ഥിരീകരിച്ചതോടെയാണ് നടപടി. 2020 മാര്ച്ച് 3നായിരുന്നു ഡല്ഹിയില് ആദ്യത്തെ കൊറോണ കേസ് റിപ്പോര്ട്ട് ചെയ്തത്. നിലവില് രാജ്യ തലസ്ഥാനത്ത് 445 പേര്ക്കാണ് രോഗം സ്ഥിരീകരിച്ചിട്ടുള്ളത് ഇതില് 15 പേര്ക്ക് രോഗം ഭേദമാകുകയും 6 പേര് മരിക്കുകയും ചെയ്തു.
അതേസമയം, ഇന്ത്യയില് കോവിഡ് ബാധിച്ച് 77 പേര് മരിച്ചു. മഹാരാഷ്ട്രയിലാണു കൂടുതല് പേര് മരിച്ചത്, 24. ഇതുവരെ രാജ്യത്ത് 3,374 പേര്ക്കു രോഗം സ്ഥിരീകരിച്ചെന്ന് കേന്ദ്ര ആരോഗ്യമന്ത്രാലയം അറിയിച്ചു. 267 പേരുടെ രോഗം മാറി. കഴിഞ്ഞ 12 മണിക്കൂറില് 302 പേരിലാണ് വൈറസ് സ്ഥിരീകരിച്ചതെന്നും കേന്ദ്ര ആരോഗ്യമന്ത്രാലയം അറിയിച്ചു. മുംബൈ ധാരാവിയില് വീണ്ടും കോവിഡ് കേസുകള് റിപ്പോര്ട്ട് ചെയ്തു. രണ്ടുപേര്ക്കാണു പുതുതായി രോഗം ബാധിച്ചത്. മഹാരാഷ്ട്രയില് ആകെ 625 പേര്ക്ക് വൈറസ് ബാധയുണ്ടായി.
രാജസ്ഥാനില് ആറു പേര്ക്കു കൂടി കോവിഡ് സ്ഥിരീകരിച്ചു. ഇതോടെ രോഗികളുടെ എണ്ണം 210 ആയി. ഡല്ഹിയില് ഒരാള്ക്ക് രോഗം ബാധിച്ചതിനെ തുടര്ന്ന് ആര്കെ പുരത്ത് ചേരി അടച്ചു. എയിംസ് ട്രോമ കെയറിലെ ശുചീകരണ തൊഴിലാളിക്കാണു രോഗം ബാധിച്ചത്. തമിഴ്നാട്ടില് ഞായറാഴ്ച രോഗം ബാധിച്ചു 2 പുരുഷന്മാര് മരിച്ചു. ഛത്തീസ്ഗഡില് മൂന്ന് പേര്ക്കു കൂടി രോഗം മാറിയതായി ആരോഗ്യമന്ത്രി പറഞ്ഞു. ഇതോടെ സംസ്ഥാനത്ത് ആകെ രോഗം ബാധിച്ച പത്തുപേരില് ഏഴുപേരുടെയും രോഗം മാറിയെന്നു മന്ത്രി പറഞ്ഞു.
https://www.facebook.com/Malayalivartha