കോവിഡ് ബാധയെത്തുടര്‍ന്ന് പ്രധാനമന്ത്രി നരേന്ദ്രമോഡി ആഹ്വാനം ചെയ്ത ദീപം തെളിയിക്കല്‍ ചടങ്ങിന് മികച്ച രീതിയിലുള്ള പിന്തുണയാണ് ലഭിക്കുന്നത്. മലയാളതാരങ്ങള്‍ ഉള്‍പ്പടെ ഇന്ത്യന്‍ സിനിമയിലെ ഒട്ടുമിക്ക സൂപ്പര്‍ താരങ്ങളും പ്രധാനമന്ത്രിയുടെ വ്യത്യസ്തമായ ഈ ആഹ്വാനത്തിന് പൂര്‍ണമായ ഐക്യദാര്‍ഢ്യം പ്രഖ്യാപിച്ചിട്ടുണ്ട്. ഹോളിവുഡിലെ ഒട്ടുമിക്ക സൂപ്പര്‍ താരങ്ങളും പ്രധാനമന്ത്രിയെ പിന്തുണച്ചപ്പോള്‍ സൗത്ത് ഇന്ത്യയില്‍ രാംചരണ്‍, മമ്മൂട്ടി, മോഹന്‍ലാല്‍ തുടങ്ങിയ താരങ്ങളെല്ലാം വലിയ രീതിയിലുള്ള പിന്തുണയുമായി രംഗത്തെത്തിയിരുന്നു. എന്നാല്‍ ആ കൂട്ടത്തില്‍ ഏറെ വ്യത്യസ്തനാവുകയാണ് ഉലകനായകന്‍ കമലഹാസന്‍. ഇതിനോടകം തന്നെ വ്യക്തമായ രാഷ്ട്രീയം തുടര്‍ന്ന് പറഞ്ഞിട്ടുള്ള കമലഹാസന്‍ പ്രധാനമന്ത്രിയുടെ പുതിയ ആഹ്വാനത്തെ വിമര്‍ശിച്ചുകൊണ്ട് രംഗത്ത് വന്നിരിക്കുകയാണ്. ആശയപരമായ വിയോജിപ്പാണ് കമലഹാസന് എടുത്തു പറയാനുള്ളത്. വൈറസ് ബാധയെ തുടര്‍ന്ന് ഉണ്ടായ പ്രതിസന്ധി നേരിടുന്ന രാജ്യത്തെ അഭിസംബോധന ചെയ്തുകൊണ്ടു പ്രധാനമന്ത്രി നരേന്ദ്രമോദി സംസാരിക്കാന്‍ തുടങ്ങിയപ്പോള്‍ താന്‍ വളരെ പ്രതീക്ഷയോടെയാണ് അത് കേള്‍ക്കാന്‍ ചെയ്യുന്നതെന്നും എന്നാല്‍ പ്രശ്‌നങ്ങള്‍ പരിഹരിക്കാനുള്ള മാര്‍ഗങ്ങളൊന്നും തന്നെയും പ്രധാനമന്ത്രി പ്രതീക്ഷിച്ചില്ല എന്നാണ് കമലഹാസന്റെ പക്ഷം.

പ്രധാനമന്ത്രിയുടെ അഭിപ്രായങ്ങളോട് കൃത്യമായ വിഷയങ്ങള്‍ ചൂണ്ടിക്കാണിച്ചുകൊണ്ടാണ് കമലഹാസന്‍ തന്റെ പ്രതിഷേധം അറിയിക്കുന്നത്. ജീവന്‍ രക്ഷിക്കാന്‍ വേണ്ടിയുള്ള പ്രൊട്ടക്ഷന്‍ എക്യുമെന്‍സ് ക്ഷാമം എങ്ങനെ പരിഹരിക്കാം എന്നും സാമ്ബത്തികമായി ബുദ്ധിമുട്ട് അനുഭവിക്കുന്ന ജനങ്ങളെ എങ്ങനെയാണ് സഹായിക്കാന്‍ കഴിയുക എന്നതിനെക്കുറിച്ചും പ്രധാനമന്ത്രി വ്യക്തമായി കാര്യങ്ങള്‍ പറഞ്ഞില്ല എന്നാണ് കമല്‍ഹാസന്റെ പരാതി. ഇത്തരം വിഷയങ്ങളെക്കുറിച്ച് പ്രധാനമന്ത്രി പറയുമെന്ന് ഞാന്‍ വിചാരിച്ചു അപ്പോള്‍ അദ്ദേഹം എടുക്കുന്നതിനെ കുറിച്ചാണ് പറഞ്ഞത് എന്നും ടോര്‍ച്ച് വളരെ മുന്‍പേ എടുത്തതാണെന്നും കമലഹാസന്‍ പരിഹാസരൂപേണ അഭിപ്രായപ്പെടുന്നു.