ലോക്ക് ഡൗണ് ലംഘിച്ച് സുഹൃത്തുമൊത്ത് ആഡംബര കാറുമായി കറങ്ങാനിറങ്ങിയ നടിയും സുഹൃത്തും അപകടത്തില്പെട്ടു...
ലോക്ക് ഡൗണ് ലംഘിച്ച് സുഹൃത്തുമൊത്ത് ആഡംബര കാറുമായി കറങ്ങാനിറങ്ങിയ നടിക്കും സുഹൃത്തിനും കിട്ടിയത് മുട്ടന്പണി. ഇവര് സഞ്ചരിച്ച കാര് തൂണില് ഇടിക്കുകയായിരുന്നു. ലോക്ഡൗണിനിടെ കാറുമായി പുറത്തിറങ്ങിയ കന്നഡ നടിയും സുഹൃത്തും അപകടത്തില്പെട്ടു. കന്നഡ സിനിമാ താരം ഷര്മിള മാന്ദ്രെയും സുഹൃത്ത് കെ.ലോകേഷ് വസന്തും സഞ്ചരിച്ച വാഹനമാണ് ബെംഗളൂരുവില് അപകടത്തില്പെട്ടത്. ശനിയാഴ്ച അര്ധ രാത്രിയായിരുന്നു സംഭവം. വസന്ത് നഗറിനടുത്ത് ഇവര് സഞ്ചരിച്ച കാര് തൂണില് ഇടിക്കുകയായിരുന്നു. ഇവരുടെ ആഡംബര കാര് പൊലീസ് പിടിച്ചെടുത്തിട്ടുണ്ട്.
അപകടം നടന്നത് ജയനഗറിലാണെന്നാണു ആദ്യം പറഞ്ഞത്. എന്നാല് വസന്ത് നഗറിലാണ് അപകടമുണ്ടായതെന്നു വ്യക്തമായി. തെറ്റായ വിവരം നല്കി കാര് കടത്താന് ശ്രമം നടന്നതായും പൊലീസ് സംശയിക്കുന്നു. അപകടം നടന്ന ഉടന് തന്നെ വാഹനത്തിലുണ്ടായിരുന്ന രണ്ടു പേരെയും സമീപത്തുള്ള ആശുപത്രിയില് പ്രവേശിപ്പിച്ചു. 33കാരിയായ നടിയുടെ മുഖത്തു പരുക്കുണ്ടെന്നാണു വിവരം. കൂടെയുണ്ടായിരുന്ന സുഹൃത്തിന്റെ കൈക്ക് പൊട്ടലുണ്ട്.
അപകടം നടന്ന സ്ഥലത്ത് പൊലീസെത്തിയപ്പോള് അവിടെയുണ്ടായിരുന്ന ഒരാള് താനാണ് കാര് ഓടിച്ചതെന്ന് അവകാശപ്പെട്ടിരുന്നു. എന്നാല് പൊലീസ് ഇയാളോടു രേഖകള് ഹാജരാക്കാന് ആവശ്യപ്പെട്ടതോടെ മൊഴി മാറ്റുകയായിരുന്നു. അശ്രദ്ധവും അപകടകരവുമായി വാഹനമോടിച്ചതിന് ഐപിസി 279, 337 വകുപ്പുകള് ചുമത്തി പൊലീസ് കേസെടുത്തിട്ടുണ്ടെന്നാണു വിവരം.
https://www.facebook.com/Malayalivartha