രാജ്യത്ത് കോവിഡ് ബാധിതരുടെ എണ്ണം വര്ധിക്കുന്ന സാഹചര്യത്തില് നടപടികള് ശക്തമാക്കാനൊരുങ്ങി കേന്ദ്ര സര്ക്കാര്... രാജ്യത്ത് കോവിഡ് ബാധിതര് ഏറെയുള്ള ജില്ലകള് അടച്ചിടാന് സംസ്ഥാനങ്ങള്ക്കും നിര്ദേശം, കേരളത്തിലെ ഏഴ് ജില്ലകളും ഉള്പ്പെടും
രാജ്യത്ത് കോവിഡ് ബാധിതരുടെ എണ്ണം വര്ധിക്കുന്ന സാഹചര്യത്തില് നടപടികള് ശക്തമാക്കി കേന്ദ്ര സര്ക്കാര്. രാജ്യത്ത് കോവിഡ് ബാധിതര് ഏറെയുള്ള ജില്ലകള് അടച്ചിടാന് സംസ്ഥാനങ്ങള്ക്കും നിര്ദേശം നല്കി. രാജ്യത്തെ 82 ശതമാനത്തിലധികം രോഗികളുമുള്ള 62 ജില്ലകള് അടച്ചിടാനാണ് തീരുമാനം. ഇതില് കേരളത്തിലെ ഏഴ് ജില്ലകളും ഉള്പ്പെടും.
കാസര്കോട്, കണ്ണൂര്, കോഴിക്കോട്, മലപ്പുറം, തൃശൂര്, പത്തനംതിട്ട, തിരുവനന്തപുരം ജില്ലകളിലാണ് കേരളത്തില് നിയന്ത്രണം ഏര്പ്പെടുത്തേണ്ടി വരുക. ഇതുവരെ രാജ്യത്താകെ 274 ജില്ലകളില് കോവിഡ് കേസുകള് റിപ്പോര്ട്ട് ചെയ്തിട്ടുണ്ട്. മാര്ച്ച് 22നു ശേഷം മൂന്നിരട്ടിയായി ഇവിടുത്തെ രോഗികളുടെ എണ്ണം വര്ധിച്ചു. ഇതാണ് നിയന്ത്രണ പദ്ധതി അടിയന്തിരമായി പ്രഖ്യാപിക്കാന് കാരണം. കോവിഡ് ചികിത്സാ വസ്തുക്കളുടെ ഉല്പാദനം വര്ധിപ്പിക്കണമെന്നും കേന്ദ്രം നിര്ദേശിച്ചു. 2.7 കോടി എന്95 മാസ്ക്കുകള് അടുത്ത 2 മാസത്തേയ്ക്ക് വേണ്ടിവരും.
16 ലക്ഷം പരിശോധനാ കിറ്റുകള് തയാറാക്കാനും 50,000 വെന്റിലേറുകള് ഒരുക്കണമെന്നും ഉല്പാദകര്ക്ക് നിര്ദേശം നല്കി. രാജ്യത്തെ സ്ഥിതിഗതികള് വിലയിരുത്താന് കേന്ദ്രമന്ത്രിസഭാ യോഗവും ഇന്ന് ചേരും. രാജ്യം മുഴുവന് ഏര്പ്പെടുത്തിയ സമ്പൂര്ണ ലോക്ക് ഡൗണിന്റെ കാര്യത്തില് മന്ത്രിസഭാ യോഗത്തില് ചര്ച്ചയുണ്ടാകും. ലോക്ക് ഡൗണ് നീട്ടുമോ എന്ന കാര്യത്തില് ഇതുവരെ സര്ക്കാര് വ്യക്തത വരുത്തിയിട്ടില്ല.
https://www.facebook.com/Malayalivartha