അതിര്ത്തിയില് അസ്വഭാവിക കാല്പ്പാടുകള് കണ്ട് തിരച്ചിലിറങ്ങിയ 5 സൈനീകര്ക്ക് വീരമൃത്യു; പകരം അഞ്ച് ഭീകരരെ യമപുരിക്കയച്ച് സൈന്യം; 2016 ല് പാക്ക് അധീന കശ്മീരില് മിന്നലാക്രമണം നടത്തിയ സേനാ യൂണിറ്റിലുള്ളവരാണ് വീരമൃത്യുവരിച്ച സൈനീകര്
കശ്മീരില് നിയന്ത്രണ രേഖയ്ക്ക് സമീപം മഞ്ഞമൂടിക്കിടക്കുന്ന ഉയര്ന്ന പ്രദേശത്ത് നടന്ന ഏറ്റുമുട്ടലിനൊടുവില് അഞ്ച് പാക് ഭീകരരെ ഇന്ത്യന് സൈന്യം വധിച്ചു. കരസേനയുടെ പ്രത്യേക വിഭാഗത്തില്പ്പെട്ട അഞ്ച് സൈനികര് വീരമൃത്യു വരിച്ചു. ജവാന്മാര്ക്കൊപ്പം ഏറ്റുമുട്ടലില് പങ്കെടുത്ത പാരാ സ്പെഷല് ഫോഴ്സിലെ പാരാട്രൂപ്പര്മാരായ രാജസ്ഥാന്നില്നിന്നുള്ള ഛത്രപാല് സിങ്, ഹിമാചലില് നിന്നുള്ള ബാല്കൃഷന് , ഉത്തരാഖണ്ഡില്നിന്നും അമിത് കുമാര് , ഹിമാചല്ലില് നിന്നും തന്നെയുള്ള സുബേദാര് സഞ്ജീവ് കുമാര് , ഉത്തരാഖണ്ഡില്നിന്നുള്ള ഹവില്ദാര് ദേവേന്ദ്ര സിങ് എന്നിവരാണു വീരമൃത്യു വരിച്ചത്. 2016 ല് പാക്ക് അധീന കശ്മീരില് മിന്നലാക്രമണം നടത്തിയ സേനാ യൂണിറ്റാണിത്.
മഞ്ഞുമൂടിയ പ്രദേശത്ത് അസ്വാഭാവികമായ കാല്പ്പാടുകള് ശ്രദ്ധയില്പ്പെട്ടതോടെ തിരച്ചിലിനിറങ്ങിയ പ്രത്യേക സൈനിക വിഭാഗത്തില്പ്പെട്ടവരാണ് വീരമൃത്യു വരിച്ചത്. മഞ്ഞുവീഴ്ചമൂലം വഴികളെല്ലാം അടഞ്ഞതിനാല് അതിസാഹസിക നീക്കം നടത്തിയാണ് സൈനികര് പാക് ഭീകരരെ കണ്ടെത്തിയത്. രണ്ട് ദിവസമായി മഞ്ഞുവീഴ്ച തുടരുന്നതിന്റെ മറവില് നുഴഞ്ഞുകയറിയ ഭീകരരാണ് കൊല്ലപ്പെട്ടത്.
ഏപ്രില് ഒന്നിനുതന്നെ ഭീകരരുടെ സാന്നിധ്യം തിരിച്ചറിഞ്ഞ സൈന്യം അവരുടെ ബാഗുകള് അടക്കമുള്ളവ കണ്ടെത്തിയിരുന്നു. തുടര്ന്ന് ഏപ്രില് മൂന്നിനും നാലിനും സൈനികരും ഭീകരരും തമ്മില് ഏറ്റുമുട്ടല് നടത്തി. അതിനിടെ, പ്രത്യേക പരിശീലനനം നേടിയ പാരാ സ്പെഷ്യല് ഫോഴ്സസിന്റെ സഹായവും സൈന്യം തേടിയിരുന്നു. പ്രദേശം മുഴുവന് മഞ്ഞുമൂടിക്കിടന്നതിനാല് ഹെലികോപ്റ്ററില് നിന്ന് പാരഷൂട്ട് വഴിയാണു കമാന്ഡോകള് വനത്തിലിറങ്ങിയത്. കനത്ത മഞ്ഞുവീഴ്ച വകവയ്ക്കാതെ തിരച്ചില് നടത്തിയ സംഘം, നാലിനു രാത്രിയാണ് ഭീകരരുടെ ഒളിസങ്കേതം വളഞ്ഞത്. പുലര്ച്ചെ വരെ നീണ്ട ഏറ്റുമുട്ടലിനൊടുവില് ഭീകരസംഘത്തെ നിലംപരിശാക്കി. കമാന്ഡോകളില് 2 പേര് സംഭവസ്ഥലത്തു തന്നെ മരിച്ചു. ഗുരുതരമായി പരുക്കേറ്റ 3 പേരെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഈ മാസം രണ്ടിനാണു ഭീകരര് ഇന്ത്യയിലേക്കു നുഴഞ്ഞുകയറിയതായി റഡാര് നിരീക്ഷണത്തില് കണ്ടെത്തിയത്. കുപ്വാരയിലെ കേരന് സെക്ടറിലുള്ള വനമേഖലയിലേക്കു കടന്ന ഇവരെ നേരിടാന് കമാന്ഡോകളെയും രംഗത്തിറക്കിയിരുന്നു.
മാത്രമല്ല കഴിഞ്ഞ ദിവസം ജമ്മു കശ്മീരിലെ കുപ്വാര ജില്ലയില് ഞായറാഴ്ച നടന്ന ഏറ്റുമുട്ടലില് അഞ്ചു ഭീകരരെ സൈന്യം വധിച്ചു. മൂന്നു സൈനികര് വീരമൃത്യു വരിച്ചതായി പ്രതിരോധ വക്താവ് അറിയിച്ചു. വടക്കന് കശ്മീരിലെ കേരന് മേഖലയില് നിയന്ത്രണരേഖയിലൂടെ നുഴഞ്ഞുകയറാന് ശ്രമിച്ചവരെയാണു സൈന്യം വധിച്ചത്.
പ്രതികൂല കാലാവസ്ഥ നിലനില്ക്കുന്നുണ്ടെങ്കിലും പരുക്കേറ്റവരെ സുരക്ഷിത സ്ഥലങ്ങളിലേക്കു മാറ്റി. ഏറ്റുമുട്ടല് ഇപ്പോഴും തുടരുകയാണെന്നും കേണല് രാജേഷ് കലിയ പറഞ്ഞു. ശനിയാഴ്ച തെക്കന് കശ്മീരിലെ ബത്പാരയില് നാലു ഭീകരരെ സേന വധിച്ചിരുന്നു. ഇതോടെ കഴിഞ്ഞ രണ്ടു ദിവസത്തിനിടെ സൈന്യം വധിച്ച ഭീകരരുടെ എണ്ണം 14 ആയിരിക്കുകയാണ്.
https://www.facebook.com/Malayalivartha