ലോക്ക് ഡൗണ് കാലാവധി തീരാന് ഒരാഴ്ച മാത്രം ... മുംബൈയില് അവസ്ഥ പരിതാപകരം... 46 മലയാളി നഴ്സുമാര്ക്ക് കോവിഡ് സ്ഥിരീകരിച്ചതോടെ മൊത്തം രോഗബാധിതരായ മലയാളി നഴ്സുമാരുടെ എണ്ണം 57 ആയി ഉയര്ന്നു
ഇന്ത്യയില് ലോക്ക് ഡൗണ് കാലാവധി തീരാന് ഒരാഴ്ച മാത്രം ശേഷിക്കെ മഹാരാഷ്ട്രയിലേ അവസ്ഥ അങ്ങേയറ്റം പരിതാപകരമാണ് .നിലവില് 868 പേര്ക്കാണ് കോവിഡ് രോഗം മഹാരാഷ്ട്രയില് സ്ഥിരീകരിച്ചിരിക്കുന്നത് .ഇന്ത്യയില് ഇതിനോടകം തന്നെ കോവിഡ് രോഗബാധിതരുടെ എണ്ണം 4250 കടന്ന സാഹചര്യത്തില് സമൂഹവ്യാപനം ഉണ്ടായിട്ടുണ്ട് എന്നാണ് പഠന റിപ്പോര്ട്ടുകള് വ്യക്തമാക്കുന്നത്.
എന്നാല് പറയത്തക്ക തരത്തില് രോഗവ്യാപനം നടന്നിട്ടില്ല എന്ന് കണക്കുകള് വ്യക്തമാക്കുന്നു .അതിനാല് തന്നെ സമൂഹവ്യാപനം ഒരു പരിധി വരെ നിയന്ത്രിച്ചു എന്ന് പറയാന് കഴിയും .അതേ സമയം മുംബൈയില് അവസ്ഥ പരിതാപകരമായി തുടരുകയാണ് എന്നതാണ് കണക്കുകള് സൂചിപ്പിക്കുന്നത് മുംബൈ വൊക്കാര്ഡ് ആശുപത്രിയിലെ 46 മലയാളി നഴ്സുമാര്ക്ക് കോവിഡ് സ്ഥിരീകരിച്ചതോടെ മൊത്തം രോഗബാധിതരായ മലയാളി നഴ്സുമാരുടെ എണ്ണം 57 ആയി ഉയര്ന്നിരിക്കുകയാണ് .ഇതില് ഒരാളുടെ നില ഗുരുതരം എന്നാണ് റിപ്പോര്ട്ട് .
ഡല്ഹി കാന്സര് ഇന്സ്റ്റിറ്റ്യൂട്ടില് എട്ടുമാസം ഗര്ഭിണി ഉള്പ്പെടെ 7 മലയാളി നഴ്സുമാര്ക്കും മുംബൈ ജസ്ലോക് ആശുപത്രിയില് 2 പേര്ക്കും കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. കാന്സര് ഇന്സ്റ്റിറ്റ്യൂട്ടില് 2 മലയാളികള്ക്കു കൂടി ഇന്നലെ സ്ഥിരീകരിച്ചു. ഇതോടെയാണ് മുംബൈയിലും ഡല്ഹിയിലുമായി കോവിഡ് ബാധിച്ച മലയാളി നഴ്സുമാര് 57 ആയി ഉയര്ന്നത്
യുഎസിലും ബ്രിട്ടനിലുമായി 3 മലയാളി നഴ്സുമാരും ഒരു ആശുപത്രി അനുബന്ധ ജോലിക്കാരനും കഴിഞ്ഞ ദിവസങ്ങളില് കോവിഡ് ബാധിച്ചു മരണമടഞ്ഞിരുന്നു. 53 ജീവനക്കാര്ക്കു രോഗം സ്ഥിരീകരിച്ചതോടെ മുംബൈ വൊക്കാര്ഡ് ആശുപത്രി അധികൃതര് അടപ്പിച്ചിരിക്കുകയാണ് .നിലവില് രോഗപ്രതിരോധത്തിനായി പെടാപ്പാടു പെടുന്ന അവസ്ഥയാണ് മഹാരാഷ്ട്രയിലുള്ളത് .മുബൈയിലെ
ചേരി പ്രദേശങ്ങളിലുള്പ്പടെ രോഗവ്യാപനം ഉണ്ടായേക്കാം എന്ന വസ്തുത കണക്കിലെടുത്തു ഒട്ടനവധി കരുതല് നടപടികള് എടുത്തിരുന്നു .സമൂഹവ്യാപനം ഉണ്ടാകാതിരിക്കാന് നടത്തിയ തീവ്ര ശ്രമങ്ങള്ക്ക് മുന്പേ തന്നെ രോഗപ്രതിരോധ നടപടികളുടെ ഭാഗമായി സംസ്ഥാനത്ത് കര്ശനമായ നിയന്ത്രണ സംവിധാനങ്ങള് ഉണ്ടായിരുന്നു. കോവിഡ് ബാധിച്ച് 52 പേര് മരിച്ച മഹാരാഷ്ട്രയില് രോഗികളുടെ എണ്ണം 868 ആയി ഉയര്ന്നിരിക്കുകയാണ് . രാജ്യത്തുണ്ടായ കോവിഡ് മരണത്തിന്റെ പകുതിയോളം മഹാരാഷ്ട്രയില് നിന്നുമാണ്
പുണെ ഡി.വൈ. പാട്ടീല് ആശുപത്രിയില് ചികിത്സയിലായിരുന്ന ഒരാള്ക്കു കോവിഡ് സ്ഥിരീകരിച്ചതിനെത്തുടര്ന്ന് ഡോക്ടര്മാരടക്കം 92 ജീവനക്കാരെ ക്വാറന്റീന് ചെയ്തിരിക്കുകയാണ് . ബാന്ദ്രയില് മുഖ്യമന്ത്രി ഉദ്ധവ് താക്കറെയുടെ വസതിയായ മാതോശ്രീക്കു സമീപം ചായക്കടക്കാരനു കോവിഡ് സ്ഥിരീകരിച്ചതോടെ മേഖല അടച്ചുപൂട്ടി. വാര്ധയില് ബിജെപി എംഎല്എയുടെ പിറന്നാള് ആഘോഷത്തോട് അനുബന്ധിച്ചു വീട്ടില് ജനം കൂടിയതിനെതിരെ കേസെടുത്തു. അര്വി എംഎല്എ ദാദാറാവു കേച്ചെയ്ക്കെതിരെയാണു കേസ്. നിലവില് മഹാരാഷ്ട്രയില് ലോക്ക് ഡൗണ് പിന്വലിച്ചാല് ഗുരുതരമായ പ്രതിയാഖ്യാതം ഉണ്ടാക്കും എന്ന് തന്നെയാണ് വ്യക്തമാകുന്നത് .നിലവില് രാജ്യത്തെ വിവിധ ഭാഗങ്ങളില് ലോക്ക് ഡൗണ് പിന്വലിച്ചാലും കര്ശന നിയന്ത്രണങ്ങള് തുടരാനാണ് കേന്ദ്ര മന്ത്രിസഭയുടെ തീരുമാനം..
"
https://www.facebook.com/Malayalivartha