ഈ ഒരു കോവിഡ് കാലത്ത് കേരളത്തിന്റെ മുഖ്യമന്ത്രി പിണറായി വിജയന്‍ പോലും പ്രധാനമന്ത്രിക്കൊപ്പം ഒട്ടു മിക്ക കാര്യങ്ങളിലും ഉറച്ച് നില്‍ക്കുകയാണ്. ദീപം തെളിയിക്കലില്‍ വരെ അദ്ദേഹം പ്രധാനമന്ത്രിയോട് യോജിച്ചു. രാജ്യതാല്‍പര്യം തന്നെയാണ് ലക്ഷ്യം. പക്ഷെ ചിലര്‍ എത്ര തല്ലിയാലും നന്നാവൂലാ അമ്മാവാ ലൈന്‍ തന്നെയാണ്. മറ്റാരുമല്ല സിപിഎമ്മിന്റെ തലയുടെ കാര്യമാണ് പറഞ്ഞു വരുന്നത്. സീതാറാം യെച്ചൂരി സഖാവ്.
കൊറോണ വൈറസിനെതിരെ രാജ്യം ഒത്തൊരുമയോടെ പൊരുതുമ്പോള്‍ വ്യാജപ്രചരണവുമായി സിപിഎം പോളിറ്റ് ബ്യൂറോ രംഗത്ത് എന്ന് പറയേണ്ടി വരും ചില വാര്‍ത്തകള്‍ കണ്ടാല്‍. കൊറോണയില്‍ ജനങ്ങള്‍ക്ക് കൈതാങ്ങാകാന്‍ വേണ്ടി പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ നടക്കുന്ന ഫണ്ട് ശേഖരണമായ പിഎം കെയേഴ്സ് സുതാര്യമില്ലെന്നാണ് പിബിയുടെ പുതിയ കണ്ടുപിടുത്തം. അതിനാല്‍ ആരും ഈ ഫണ്ട് ശേഖരണത്തിലേക്ക് പണം നല്‍കരുതെന്ന് പ്രചാരണമാണ് സിപിഎം നടത്തുന്നത്. രാജ്യം ഒറ്റെക്കെട്ടായി കൊറോണയെ നേരിടുമ്പോള്‍ പിന്നില്‍ നിന്നുകുത്തുന്ന സമീപനമാണ് സിപിഎം നടത്തുന്നത്. പിഎം കെയേഴ്സില്‍ സിപിഎമ്മിന്റെ പ്രതിനിധികളില്ലെന്നും പ്രധാനമന്ത്രിയും മൂന്ന് മന്ത്രിമാരും മാത്രമാണ് ഫണ്ട് നിയന്ത്രിക്കുന്നത്. അതിനാല്‍ സുതാര്യത തീരെയില്ല. പ്രധാനമന്ത്രിയുടെ വെബ് പേജ് വഴിയാണ് സംഭാവന സ്വീകരിക്കുന്നത്. സര്‍ക്കാര്‍ ജീവനക്കാരുടെയും പ്രൊഫഷണലുകളുടെയും സൈനിക-അര്‍ധസൈനികരുടെയും ഒരു ദിവസത്തെ ശമ്പളവും ആവശ്യപ്പെടുന്നുണ്ട്.
ഈ ഫണ്ടിലേക്ക് സംഭാവന നല്‍കിയതുകൊണ്ടുമാത്രം കോര്‍പറേറ്റുകള്‍ സാമൂഹ്യബാധ്യത നിറവേറ്റിയതായി കരുതുമെന്ന ന്യായീകരണവും പിബി ഉയര്‍ത്തുന്നുണ്ട്. 'പിഎം കെയേഴ്സ്' ഫണ്ടു വഴി ലഭിക്കുന്ന പണം പ്രധാനമന്ത്രിയുടെ ദുരിതാശ്വാസനിധിയിലേക്ക് മാറ്റി സംസ്ഥാനങ്ങള്‍ക്ക് വിഹിതം നല്‍കണം. പുതിയ ഫണ്ടിന് 'ഇന്ത്യ കെയേഴ്സ്എന്ന പേര് നല്‍കണമെന്നും സിപിഎം ആവശ്യപ്പെട്ടിട്ടുണ്ട്. രാജ്യം പ്രതിസന്ധിയില്‍ നില്‍ക്കുമ്പോള്‍ പിന്നില്‍ നിന്ന് കുത്തുന്ന സിപിഎമ്മിന്റെ സമീപനത്തിനെതിരെ മറ്റുപ്രതിപക്ഷ പാര്‍ട്ടികള്‍ ഒന്നടങ്കം രംഗത്തെത്തിയിട്ടുണ്ട്. അപ്പോള്‍ പിന്നെ സഖാവ് സ്വയം തിരുത്തുമോ അതോ പ്രധാനമന്ത്രി തന്നെ മറുപടി പറയേണ്ടി വരുമോ.