മുംബൈ നടുങ്ങി... രണ്ട് കോവിഡ് കേസുകള് കൂടി സ്ഥിരീകരിച്ചതോടെ മുള്മുനയില് ധാരാവി.... സമൂഹവ്യാപനം ധാരാവിയില് ഉണ്ടായാല് മുംബൈയില് കാര്യങ്ങള് കൈവിട്ടുപോകുമെന്ന ഭീതിയിലാണ് ജനങ്ങളും സര്ക്കാരും
കാര്യങ്ങള് കൈവിട്ടുപോകുമെന്ന് ഭീതി. മുംബൈയുടെ മനസ്സില് ഒന്നു മാത്രം, ധാരാവി. ഭീതിയില് ജനങ്ങളും സര്ക്കാരും മുന്നോട്ട് പോവുകയാണ്. പക്ഷെ രണ്ട് കോവിഡ് കേസുകള് കൂടി സ്ഥിരീകരിച്ചതോടെ മുള്മുനയിലാണ് ധാരാവി. നേരത്തെ ഒരാള് മരിക്കുകയും ഡോക്ടര് അടക്കം 2 പേര്ക്കു കോവിഡ് സ്ഥിരീകരിക്കുകയും ചെയ്തതോടെ ധാരാവിയില് രോഗവ്യാപനം തടയാന് സര്ക്കാര് ഏജന്സികള് അശ്രാന്ത പരിശ്രമത്തിലായിരുന്നു. നഗരഹൃദയത്തില് 10 ലക്ഷത്തിലേറെപ്പേര് തിങ്ങിപ്പാര്ക്കുന്ന ചേരിമേഖലയില് സമൂഹ വ്യാപനം പ്രതിരോധിക്കാന് 24 മണിക്കൂറും ആരോഗ്യ വകുപ്പ് ജീവനക്കാരും മുംബൈ കോര്പറേഷന് ഉദ്യോഗസ്ഥരും പൊലീസും പല ഷിഫ്റ്റുകളിലായി ഇവിടെ കേന്ദ്രീകരിക്കുന്നു.
ധാരാവിയില് സമൂഹവ്യാപനം ഉണ്ടായാല് മുംബൈയില് കാര്യങ്ങള് കൈവിട്ടുപോകുമെന്ന ഭീതിയിലാണ് ജനങ്ങളും സര്ക്കാരും. പൊലീസ് നിരന്തരം റോന്തു ചുറ്റുമ്പോള് കോര്പറേഷന് അധികൃതര് ചെറു മേഖലകള് കേന്ദ്രീകരിച്ച് കോവിഡ് സംബന്ധിച്ച അന്വേഷണങ്ങളും ബോധവല്കരണവും നടത്തുന്നു. രോഗം ബാധിച്ചവര് താമസിച്ചിരുന്ന മേഖല സീല് ചെയ്യുന്നതും അവര് ഇടപെട്ടവരെ ക്വാറന്റീന് ചെയ്യുന്നതുമാണ് മറ്റൊരു പ്രധാന ജോലി. ആരോഗ്യപ്രവര്ത്തകര് ഇത്തരക്കാര്ക്ക് വേണ്ട നിര്ദേശങ്ങളും കൗണ്സിലിങ്ങുമായി രംഗത്തുണ്ട്. ധാരാവിയില് കോവിഡ് സ്ഥിരീകരിച്ചവരുമായി ഇടപഴകിയ മുഴുവന്പേരെയും കണ്ടെത്താനുള്ള നടപടി ഊര്ജിതമാക്കിയതായി കേന്ദ്ര ആരോഗ്യ മന്ത്രാലയം വ്യക്തമാക്കി.
സ്ഥിരീകരിച്ചവരുള്പ്പെടുന്ന സ്ഥലവുമായി ബന്ധപ്പെട്ടു താമസിക്കുന്ന മുഴുവന്പേരെയും പരിശോധനയ്ക്കു വിധേയമാക്കും. പ്രോട്ടോകോള് പ്രകാരം സാംപിള് ശേഖരണം നടത്തുന്നുണ്ട്. സംസ്ഥാന ആരോഗ്യവകുപ്പിനു കീഴില് നാലായിത്തോളം ആരോഗ്യപ്രവര്ത്തകര് ഈ മേഖല മാത്രം കേന്ദ്രീകരിച്ചിട്ടുണ്ടെന്നും ആരോഗ്യമന്ത്രാലയം ജോയിന്റ് സെക്രട്ടറി ലവ് അഗര്വാള് അറിയിച്ചു. ധാരാവിയിലെ പ്രധാന റോഡിനോടു ചേര്ന്നു ക്ലിനിക്ക് നടത്തുന്ന 35 വയസ്സുകാരനായ ഡോക്ടര്ക്കാണ് ഇന്നലെ കോവിഡ് സ്ഥിരീകരിച്ചത്. ഇതോടെ, ധാരാവി മേഖലയിലെ കോവിഡ് ബാധിതരുടെ എണ്ണം മൂന്നായി. മേഖലയിലെ പലരും ചികിത്സ തേടിയിരുന്ന ഡോക്ടറാണ് ഇദ്ദേഹമെന്നതാണ് ആശങ്ക പരത്തുന്നത്.
ഡോക്ടറില് നിന്നു കൂടുതല് രോഗികള് ഉണ്ടാകുമോയെന്ന പരിശോധനയിലാണ് ആരോഗ്യവകുപ്പും മുംബൈ കോര്പറേഷന് അധികൃതരും. മുംബൈ നഗരത്തിലെ പ്രമുഖ സ്വകാര്യ ആശുപത്രിയിലും ഡോക്ടര് പ്രവര്ത്തിക്കുന്നുണ്ട്. കഴിഞ്ഞ ദിവസങ്ങളില് ഇദ്ദേഹത്തെ സന്ദര്ശിച്ചവരെയും അടുത്ത് ഇടപഴകിയവരെയും കുടുംബാംഗങ്ങളെയും ഐസലേഷനിലാക്കി. ധാരാവിയില് ബിഎംസി ജീവനക്കാരെ കയ്യേറ്റം ചെയ്തയാളെ പൊലീസ് അറസ്റ്റ് ചെയ്തിരുന്നു.
ആരോഗ്യപ്രവര്ത്തകരോടു മോശമായി പെരുമാറിയാല് ശക്തമായ നടപടിയുണ്ടാകുമെന്ന് ആഭ്യന്തരമന്ത്രി അനില് ദേശ്മുഖ്് അറിയിച്ചിട്ടുമുണ്ട്. അങ്ങനെ എല്ലാ രീതിയിലും കോവിഡെന്ന ദുരന്തത്തെ ചെറുക്കുകയാണ് മുംബൈ.
https://www.facebook.com/Malayalivartha